Б.Тэгшбаяр олон улсын тэмцээнд Х байр эзэлжээ 

Узбекистан улсад жил бүр болдог олон улсын засмал замын дугуйн “Tour of Bostonliq” тэм­цээнд Монголын тамирчид өөрийн харь­яалагд­даг багийн бүрэлдэхүүнтэй оролцсон. Олон улсын дугуйн холбооны 2.2 ангилалд багт­даг эл уралдаанд Ази болон Европын орнуудын мэр­гэжлийн багаас элит ангиллын тамирчид өрсөлд­дөг. Хоёр үе шаттай, 308.8 км зайд болсон тэмцээний эхний шатны уралдаан 146, да­раагийнх нь Ташкент хотын чиглэлд 162.8 км-т уулархаг болон хосолмол бүхий замд болжээ. Энэ нь та­мирч­даас хурд, тактик, тэсвэр хатуужлыг маш их сорь­жээ.

Манай улсын шигшээ багийнхнаас Тай­ланд улсын “Roojai insurance winspace” багт ле­гионероор уралддаг олон улсын хэмжээний мас­тер (ОУХМ) Б.Тэгшбаяр нийлбэр дүнгээр 10, Б.Марал-Эрдэнэ 14, Х.Тэмүүлэн 24 дүгээр байрт ор­сон байна. Тэгвэл Киргизстаны “Lokomotiv manas” багийнхантай нэгдсэн Д.Халиунболд 60, И.Бил­гүүн 67 дугаар байрт тус тус шалгарсан аж. Багийн нийлбэр дүнгээр Тайландын “Roojai insurance winspace”-ын дугуйчид хүрэл ме­даль гардав. “Tour of Bostonliq” тэмцээн нь Олон улсын дугуйн холбооны 2026 онд зохион бай­гуулахаар төлөвлөсөн томоохон тэм­цээ­ний нэг. Тус тэмцээнд оролцсон залуу бо­лон мэргэжлийн тамирч­дад энэ нь чансаагаа ахиу­лах, ур чадвараа сайж­руу­лан, туршлага ху­римт­луу­лах чухал уралдаан юм.