УИХ дахь залуу гишүүд “Өглөөний цай” клуб байгууллаа. Тус клуб нь долоо хоног бүрийн Даваа гарагийн өглөө цуглаж өнөөгийн нийгэмд тулгамдаж буй асуудлуудаар иргэдээ сонсох, санал солилцох улмаар тодорхой хуулийн төслүүд дээр хамтарч ажиллах юм байна.
“Өглөөний цай” клубт одоогоор АН-аас 4, “Шударга ёс” эвсэлээс 4, МАН-аас 4, Бие даагч 2 гишүүн нэгдсэн байна. Тэд улс оронд тулгамдсан тодорхой асуудлуудыг шийдвэрлэх гарцын талаар үзэл бодлоо нэгтгэх зорилготой аж. Тус клубын ерөнхий зохицуулагчаар УИХ-ын гишүүн Ж.Батзандан томилогдсон сурагтай. “Өглөөний цай” клубынхэн ард иргэдийнхээ эрх ашгийн төлөө үзэл бодлоороо нэгдэн ажиллах болно гэдгээ мэдэгдлээ.
