Нийслэлийн агаарын бохирдлыг бууруулахаар бүрэн шаталттай сайжруулсан зуухыг Улаанбаатар цэвэр агаар төсөл хөнгөлөлттэй үнээр борлуулж буй юм байна. Уг сайжруулсан зуухны ашиглалт, аюулгүй ажиллагааг иргэдэд танилцуулах зорилгоор Улаанбаатар цэвэр агаар төслийнхөн “Дүнжингарав” компанитай хамтран энэ сарын 20-ноос 30-нд гэр үзэсгэлэн гаргах болжээ. Энэ үеэр бүрэн шаталттай сайжруулсан зуух ашиглахад аюулгүй ажиллагааг хэрхэн хангах зааврыг иргэдэд мэдээлэх аж. Гэр үзэсгэлэнг 9-18 цагийн хооронд “Дүнжингарав” худалдааны төвийн хашаанд зохион байгуулж буй юм байна.
Ц.Болор
