НҮБ-д АНУ, НАТО тусална

НҮБ-д АНУ цэрэг, цагдаагийн алба хаагч нийлсэн 40 мянга гаруй хүн өгч, энхийг сахиулах хүчнийх нь эгнээг зузаат­гахад бэлэн байна гэж тус улсаас НҮБ-д суугаа Байнгын төлөөлөгч Саманта Пау­эр мэдэгджээ. Америкчуудын зохион бай­гуулсан дээд хэмжээний уулзалтад оролц­сон улсуудаас “цэнхэр дуулгатны” эгнээнд хүн элсүүлэхээр АНУ шийдсэн аж.НАТО-гийн ерөнхий нарийн бичгийн дарга Йенс Столтенберг энхийг сахиулагчдыг бэлтгэх, ийм үйл ажиллагаа явуулахад нь НҮБ-д туслах санал бас тавьжээ. Түүний хэлснээс үзвэл гар хий­цийн тэсрэх бодисоос биеэ хамгаалах сур­галт явуулахад нь НАТО туслах юм байна.Столтенберг зургаан өдрийн айлч­лалаар АНУ-д ирээд байгаа аж. Тэрбээр НҮБ-д болсон олон улсын дээд хэмжээний уулзалтад оролцож үг хэлсэн юм.