“Орост дарангуйлагч хэрэггүй”

ОХУ-ын Ерөнхийлөгч В.Путин Аме­рикийн  сэт­гүүлч Чарли Роузын асуул­тад хариулахдаа хэлс­нээс үзвэл албан тушаалдаа үлдэх эсэх нь хоёр зүйлээс шалтгаалах аж. “Нэгдүгээрт, Үндсэн хуу­лиар тогтоосон дүрэм журам бий, түү­нийг би зөрчихгүй. Хоёрдугаарт, энэ нь Орос улс болон дэлхийн дахины байдал, миний өөрийн санаа бодол зэргээс шалтгаална” гэсэн байна.Ажил албанаасаа хөндийрсний дараа ха­рахад Орос улс нь өрсөлдөх чад­вартай, улс орны­хоо дотоодод бо­лон эргэн тойронд нь тохиол­дож буй өөрчлөлтөд уян хатан ханддаг, ний­гэм, улс төрийн хөгжингүй тогтол­цоотой орон болсон байгаасай гэж хүсдэгээ В.Путин сэтгүүлчид хэлжээ.

Түүнээс гадна Орос улс өөрийн эрх аш­гийг хамгаалж чаддаг байх ёстой гэж тэрбээр үздэг аж. “Хүн ард маань жар­галтай, дэлхий дахины түншүүд маань Орос­той харилцаагаа хөгжүүлэхийг хүсэж, эрмэлздэг байх” хэмээн нэмж хэлжээ. Орост дарангуйлагч биш, өөрийн бүрэн эрх, хууль, нийгмийн дийлэнх олонхийн ашиг сонирхлын хүрээнд үйл ажиллагаагаа явуулдаг шударга удирдагч хэрэгтэй. Түүнч­лэн улс орны дотоод, гадаадад болж буй өөрчлөлтөд соргог сэргэг, үр нөлөөтэй ханд­даг нийгэм,  төрийн шударга зарчим үгүйлэгдэж байна гэж үздэгээ В.Путин хэлсэн аж.