Америк шаардаж, Куба цааргалав

Вашингтон хоригоо сулруулахын тулд Кубын зүгээс хэд хэдэн өөрчлөлт хийх шаард­лагатай байна гэж АНУ-ын Ерөн­хийлөгч Барак Обама Кубын удир­дагч Рауль Кастрод хэлжээ.Ялангуяа хүний эрхийг хамгаалах та­лаар арга хэмжээ авах нь чухал хэ­мээн сануулсан байна. Кубад тавьсан худал­дааны хоригоо сулруулахад өөрийн бүрэн эр­хийг ашиглахыг Обаматай хэлэлцээ хийхдээ Кастро сануулсныг Кубын Гадаад хэргийн сайд Бруно Родригес урьд нь мэдээлж байв. Түүний үзэж буйгаар бол хоригтой холбоотой АНУ-ын зүгээс хий­сэн өөрчлөлт тун ч хязгаарлагдмал байгаа аж.Нью-Йоркот болж буй НҮБ-ын Ерөнхий ассамблейн чуулганы явцад Оба­ма, Кастро хоёрын хийсэн уулзалтыг 60 гаруй жилийн хугацаанд Америкийн нутаг дэвсгэр дээр АНУ, Кубын удир­дагч­дын хийж буй анхны яриа хөөрөө гэж Америкийн мэдээллийн хэрэгслүүд тэм­дэг­лэж байгаа юм.