Португалд хуучин Ерөнхий сайдын тэргүүлсэн эвсэл яллаа

Португалийн Сайд нарын тан­хи­мын тэргүүн, Социал демократ нам, Португалийн ардын намын ба­руун төвийн эвслийн нэрсийн жагс­аалтад нэгдүгээрт нэр нь би­чиг­дэж буй Педру Пассуш Коэлю Зас­гийн газраа эмхлэн байгуулах ажилд ороход бэлэн гэж мэдэгджээ. Түүний тэргүүлсэн эвсэл саяны ням гаригт болсон Парламентын сон­гуульд 37 хувийн санал авч ялсан аж. Гэхдээ энэ нь Парламентад дий­лэнх олонх болсон гэсэн үг биш. Пор­тугалийн Социалист намыг сон­гогчдын 32.3 хувь нь дэмжсэн байна. Пассуш Коэлюгийн хэлснээр бол одоо Засгийн газраа бүрдүүлэх асууд­лаар яриа хэлэлцээнүүд эхлэх ёс­той аж. “Ялчихаад улс орноо жо­лоодож чадахгүй байна гэдэг хачир­хал­тай. Бид улсаа удирдахад бэлнээ Ерөн­хийлөгчид дуулгасан” гэж тэрбээр нэмж хэлжээ. Түүгээр ч барахгүй Зас­гийн газрынхаа ойрын үеийн зо­рил­тыг ч тодорхойлчихоод байгаа юм байна.