ХАМАС-т Израил цохилт өгөв

Палестинийн дайчид пуу­жин харвасны хариуд Из­раилийн нисэх хүчин өчигдөр шөнө Гаазын зурвас руу дов­тол­сон байна. Хохирлын талаар мэдээлэл алга.“Аравдугаар сарын 4-ний орой Гаазын зурвасаас хар­васан пуужин Израилийн өм­нө­дөд дэлбэрэв. Хариуд нь Из­раилын агаарын цэргийн хүчин Гаазын зурвасын умард хэсэгт ХАМАС-ын дэд бүт­цийн обьектод цохилт өг­лөө” гэж Израилын армийн хэв­лэлийн албанаас мэдээллээ.Израилийн цэргийнхний үзэж буйгаар энэ он гарсаар палес­тинчууд 16 пуужин хар­важ, 2014 оны наймдугаар сараас мөрдөж буй эвлэрлийн гэрээг зөрч­сөн аж. “Исламын улс”-ын алан хядагчдын дайнч үзэл суртлыг дэмждэг са­ла­фитын бүлэглэл эдгээр үйдлийн ихэнхийнх нь ард бий гэж үздэг. Гаазын нутаг дэвсгэрээс хийж буй түрэмгий үйлд­лийн хариуцлагыг тэнд­хийн эрхийг барьж буй ХАМАС хөдөлгөөнд Израил тохдог аж.