Э.Анхбаяр: Улаанбурханы халдвараар өвчилсөн 4 сартай хүүхэд өнөөдөр үүрээр ЭНДСЭН
ХӨСҮТ-ийн захирал Э.Анхбаяр Улаанбурхан өвчний талаар мэдээлэл өглөө. Тэрбээр, "Улаанбурхан өвчнөөр өвдөх хүний тоо нэмэгдэж байна. Нэг харамсалтай мэдээ байна. Уг халдвараар өвчилсөн 4 сартай хүүхэд өнөөдөр үүрээр эндсэн. Харамсалтай тохиолдол бүртгэгдсэн. Эмгэнэл илэрхийлье. Тус нярай дархлаажуулалтад хамрагдаагүй, маш хүнд байдалтай. 2-3 эмнэлэг дамжсан, сар гаран хатгаатай байсан хүнд ирсэн" гэлээ.
2025-05-13
“Улаанбаатар марафон 2025”-ын энгэрийн дугаарыг өнөөдрөөс олгож эхэллээ
“Улаанбаатар марафон 2025” олон улсын гүйлт эхлэхэд 11 хоног үлдлээ. Өнөөдрийн байдлаар нийт 8800 орчим иргэн гүйхээр бүртгүүлснээс тал хувь нь буюу 4400 гаруй нь 5 км-т бүртгүүлжээ. Маргааш 5 км-ийн төрөлд бүртгүүлсэн хүмүүст дүүргүүдийн Биеийн тамир, спортын хорооны байрууд дээр энгэрийн дугаар олгож эхэлнэ. Дугаар тараах газруудын байршлыг танилцуулж байна.
2025-05-13
Алсу Монголд амьд хөгжмийн хамтлагтайгаа ирж, бүрэн хэмжээний тоглолт хийнэ
ОХУ-ын алдарт дуучин Алсу гэдэг нэрээрээ алдаршсан Алсу Ралифовна Абрамова Монголд бүрэн хэмжээний тоглолтоо хийнэ. Тодорхой хэлбэл, “Аса арена”-д тавдугаар сарын 17-нд болох энэхүү тоглолтод тэрбээр амьд хөгжмийн хамтлагтайгаа ирэхээс гадна Монгол Улсын симфони оркестртой хамтран уран бүтээлээ хүргэх аж.
2025-05-13
Сувилагчид найман давхар, 100 өрөө бүхий сургалт, судалгааны төвтэй болох нь
Ерөнхийлөгчийн ивээл дор дөрөв дэх жилдээ зохион байгуулсан “Сувилагч тандаа баярлалаа” улсын зөвлөгөөн өчигдөр Төрийн ордонд боллоо. Зөвлөгөөний нээлтэд Ерөнхийлөгч У.Хүрэлсүх оролцож, төр засгаас сувилахуйн шинжлэх ухааныг хөгжүүлэх, сувилагчдыг бэлдэх чиглэлээр багагүй анхаарч, энэ мэргэжилтний цалинг 2019 онынхтой харьцуулахад 1.7-2 дахин нэмж, 2024 оноос орон нутаг, онцгой нөхцөлийн нэмэгдэл олгож эхэлснийг онцолсон юм. Мөн сувилагч мэргэжлээр суралцагчдад тэтгэлэг олгож, Архангай аймагт Сувилахуйн сургалт, эрдэм шинжилгээ, эрүүл мэндийн тусламж, үйлчилгээний төвийг ирэх намраас ажиллуулж эхлэх болсныг дурдав. Үүний зэрэгцээ АШУҮИС-ийн Сувилахуйн сургалт, судалгааны төвийн бүтээн байгуулалт өнөөдөр (өчигдөр) эхэлж буйг дуулгалаа.
2025-05-13
Түшиг суманд гарсан түймэрийг бүрэн унтраажээ
Сэлэнгэ аймгийн Түшиг сумын Ар нуга багийн "Ар шүрэн" гэдэг газарт энэ сарын 01-нд гарсан ойн түймрийг өнөөдөр /2025.05.13/ 10:10 цагт бүрэн унтрааж, орон нутагт хүлээлгэн өгчээ.
2025-05-13
Докторантуудын зургаа хувь нь л байгалийн шинжлэх ухааны чиглэлээр сурдаг
Улсын хөгжил, шинжлэх ухаан, эдийн засгийн чадамж, нийт хүн амын тоо зэрэгтэй харьцуулахад Монголд докторын зэрэг горилогч олон боловч байгалийн шинжлэх ухаан, математик, инженер, мэдээлэл, харилцааны технологи, үйлдвэрлэл зэрэг тэргүүлэх, ач холбогдолтой салбарт ахисан түвшинд суралцагч эрс цөөрснийг багш, судлаачид хөндөж байна. Одоогийн байдлаар манай улсад 5500 орчим хүн докторын хөтөлбөрт суралцаж буйгаас 62.9 хувь буюу 3454 нь бизнес, удирдахуй, эрх зүй, боловсрол, урлаг, хүмүүнлэгийн чиглэлийнх гэнэ. Тодруулбал, бизнес, удирдахуй, хууль, эрх зүйгээр 1310, боловсролоор 1097, урлаг, хүмүүнлэгийн чиглэлээр 1047 хүн суралцдаг.
2025-05-13
“Мэдлэг бэлэглэе” хөтөлбөрийг ерөнхий боловсролын 412 сургуульд нэвтрүүлэхээр төлөвлөжээ
Оюутны “Мэдлэг бэлэглэе” тэтгэлэгт хөтөлбөр нь 2024 оноос хэрэгжиж эхэлсэн. “Динза”, “Цондоолой Цүндээлэй хоёр” комикс номын анхны уншигчид дараагийн үеийн уншигчид болон эцэг эхчүүдэд ном унших соёлыг суулгах олон талт ажил хийж, олсон орлогоороо цалин болон тэтгэлэг авдгаараа онцлогтой. Энэхүү хөтөлбөр хэрэгжиж эхэлсэн эхний жилдээ л 157 оюутныг хамруулж, 80 гаруй сая төгрөгийн цалин тэтгэлэг олгожээ.
2025-05-12
“Дугуйтай Улаанбаатар” өдөрлөгт 188 хүн өрсөлджээ
Нийслэлийн иргэдийн дугуй унах соёл, хэрэглээг төлөвшүүлэх зорилгоор зохион байгуулдаг “Дугуйтай Улаанбаатар-2025” арга хэмжээний сонирхогчдын болон мэргэжлийн төрөлд 188 хүн өрсөлдлөө. Тухайлбал, засмал замын төрөлд 108 дугуйчин оролцсон бол мэргэжлийнхэд нь 55 тамирчин өрсөлджээ.
2025-05-12
