“Санхүүгийн баталгаагүй байдал нь сэтгүүлчдийн тулгамдсан асуудал”

Хэвлэлийн хүрээлэнгээс ЮНЕСКО-гийн Олон улсын мэдээлэл,харил­цааны хөгжлийн хөтөлбөрийн хүрээнд “Монголын хэвлэл мэдээллийн тогт­вортой байд­лыг бэхжүүлэх нь” төсөл хэрэгжүүлж буй би­лээ. Тэгвэл үүний хүрээнд Монголын хэвлэл мэ­дээллийн тогтвортой байдлыг дөрвөн үндсэн шал­гуураар иж бүрэн үнэлж, дүгнэлт, зөвлөмж боловс­руулснаа хүрээлэнгээс өчигдөр мэдээллээ.

“Сэтгүүлчдийн хөдөлмөрийн нөхцөл ба жен­дерийн тэгш байдал” судалгааг энэ онд нийслэл, орон нутгийн 300 сэтгүүлчийг хамруулан хийсэн бай­на. Үүгээр тэдэнд тулгамдаж буй хамгийн том асуудал нь бага цалин, санхүүгийн баталгаагүй, эдийн засгийн тогтворгүй байдал гэсэн дүгнэлтэд хүр­ чээ. Улмаар ажлын өндөр ачаалал, мэдээлэл авах эр­хээ эдэлж чадахгүй байх зэрэг асуудал тул­гамдсан хэвээр гэнэ. Мөн судалгаанд оролцогч­дын 62 хувь нь редакцын нөхцөл буюу тоног төхөөрөмж, оффис, ажлын орчноо дундаж болон түүнээс доогуур үнэлсэн аж. 

Аюулгүй байдлын үзүүлэлтүүд ч судалгааны үр дүнгийн онцлох хэсэг байсан бөгөөд сэтгүүлчдийн 60 орчим хувь нь ямар нэгэн байдлаар дарамтад өртсөн гэж хариулжээ. Түүнчлэн иргэдийн мэдээлэл авах гол эх сурвалж нийгмийн сүлжээ болсонтой хол­боотойгоор хэвлэл мэдээллийн байгууллагууд цахим платформд зориулж контент бүтээх хэрэгцээ шаард­лага улам бүр нэмэгдсээр буйг судалгааны үр дүн харуулав.

О.Ундрах