Монголын шатарчид эхний гурван байрт шалгарчээ
БНСУ-д тус улсын шатрын спортын KCA холбооны ерөнхийлөгчийн цомын аварга шалгаруулах нээлттэй тэмцээнд Монголын тамирчид оролцлоо. Манайхаас насанд хүрэгчдийн ангилалд “Хожлын нүүдэл” клубийн багш дасгалжуулагч С.Сарантунгалаг түрүүлж алт, “ИНХА” их сургуулийн оюутан Ц.Оргил мөнгөн медаль хүртэв. Өсвөр үеийнхнээс охидын ангилалд Сэлэнгэ аймгийн Зүүнхараа сумын III сургуулийн сурагч Б.Мөнхжаргал тэргүүн байрт шалгарч, хөвгүүдээс Н.Анир хүрэл медаль зүүжээ.
2025-04-06
Л.Минжин гурван төрөлд мөнгөн медаль хүртэв
“Бээжин топ-2025” олон улсын шорт трекийн нээлттэй тэмцээнд Монголын тэшүүрийн үндэсний шигшээ болон өсвөр үеийнхний баг оролцож байна. Тэднээс С.Ганхөвсгөл, Т.Тэмүүлэн нар 500 метрийн зайд Дэлхийн залуучуудын шорт трекийн АШТ-д оролцох эрхээ авав. Эмэгтэйчүүдээс Г.Гантигмаа ОУХМ, Т.Амингоо, Б.Ундрах Б.Энгүүн нар хувийн амжилтаа шинэчлэн тогтоосноор спортын дэд мастер цолны болзол хангав. Тэгвэл Хөвсгөл аймгийн Хатгал сумын сурагч Л.Минжин 500, 1000, 1500 метрийн зайд амжилттай уралдан гурван мөнгөн медалийн эзэн болсон юм. Монголын тамирчдаас хамгийн бяцхан оролцогч болох О.Намуунгоо ес, 11 хүртэлх наснынхны ангилалд Ш.Түвшинтөр IV байрт шалгарав.
2025-04-03
Г.Ганзориг ДАШТ-д өрсөлдлөө
Швейцарь улсын Сант Морицд хотод болсон снөүбоард, фрийстайл, чөлөөт цанын ДАШТ-д Үндэсний шигшээ багийн тамирчин Г.Ганзориг дасгалжуулагч Г.Баттулгын удирдлагад улсаа төлөөлж өрсөлдлөө. Түүний оролцсон параллель слалом, параллель жиант слалом төрөлд 23 орны 58 шилдэг тамирчин ур чадвараа сорив.
2025-04-03
“Улаанбаатар марафон”-ы бүртгэл эхэллээ
Жил бүр зохион байгуулдаг “Улаанбаатар марафон” олон улсын гүйлтийн бүртгэл өчигдрөөс эхэлж, энэ сарын 20 хүртэл үргэлжлэх аж. Гүйлт ирэх сарын 24-нд болох ба оролцох хүсэлтэй хувь хүн, албан байгуул¬лага, гадаадын иргэд ulaanbaatar.marathon. mn цахим хуудсаар болон Hipay аппликейшнээр бүртгүүлэхийг албаныхан зөвлөв. Гүйлтийн төрлүүд өмнөх жилүүдтэй адил 500 метрээс 42 км хүртэл үргэлжилнэ.
2025-04-03
"Стейниц Монголын шатрын академи”-ийн тамирчид дэлхийн хошой аваргаар тодров
Сербийн Врнячка Баня хотод зохион байгуулсан сурагчдын шатрын ДАШТ-д оюунаа сорьсон Монголын баг хоёр алт, нэг мөнгөн медаль хүртсэн. Охидын 17 хүртэлх насны ангилалд “Стейниц Монголын шатрын академи”-ийн тамир¬ чин, ОУШХ-ны дэд мастер Б.Буянхишиг, 11 насны ангилалд Ч.Нандинжигүүр нар түрүүлж, дэлхийн аваргаар тодорлоо.
2025-04-01
Ш.Гилжес-Александр: Би аваргалахыг хүсэж байна
NBA-ийн хамгийн “хурц” оддын нэг хэмээн хэлэгдэх мөч Шэй Гилжес-Александрт иржээ. Тэрбээр энэ улирлын Үнэ цэнтэй тоглогчийн шагналыг хүртэх боломжтой болоод байгаа юм. Түүнтэй “Slam” сэтгүүлийн сурвалжлагч Ф.Каллегийн ярилцсаныг сонирхуулъя.
2025-03-30
Хөлбөмбөг, хоккейн мэргэн буучдын “тулаан”
NHL-ийн “Вашингтон капиталс” багийн ахлагч А.Овечкин сүүлийн өдрүүдэд спорт сонирхогчдын анхаарлын төвд байна. Учир нь тэрбээр тус лигийн мэргэн бууч, 1480 тоглолтод 888 шайб оруулсан агуу У.Гретцкигийн дээд амжилтыг эвдэхэд ойртож ирээд байгаа юм.
2025-03-29
О.Наранзул шилдэг тамирчнаар шалгарлаа
Монголын оюун ухааны академиас хэрэгжүүлдэг ой тогтоолтын хөтөлбөрт хамрагдаж дотоод, гадаадын тэмцээнд амжилт гаргасан чансаа өндөр тамирчин, эл спортоор сонирхон хичээллэгсдийн дунд “Spring cup-2025” нээлттэй тэмцээнийг зохион байгуулж буй.
2025-03-29
