Америктай хэлэлцээ хийхийг аятолла нь хориглов

Ямар ч үр ашиг өгөхгүй тул Иран, АНУ-ын хооронд цаашдаа аливаа яриа хэлэлцээ хийхийг Дээд удирдагч аятолла Хаменей нь хориглов. Яриа хэлэл­цээний тусламжтайгаар аме­рикчууд Иранд шахалт үзүүлэх гээд байхад үүнийг ойлгодог хүн манайд алга гэж тэрбээр үзэж байгаа аж. Би­дэн­тэй яриа хэлэлцээ хийснээр эдийн засаг, соёл, улс төр, аюул­гүй байдалд маань нө­лөөлөх үүд хаалга тэдний өм­нө нээгдэж байна гэсэн үг. Цө­мийн хөтөлбөрийн асуудлаар хэлэлцээр хийж байхдаа ч тэд манай эрх ашгийг хохироохыг оролдож байсан гэж аятол­лагийн мэдэгдэлд өгүүлсэн байна. Сирийн хямралыг зохицуулах асуудлаар Вашингтонтой яриа хэлэлцээг үргэлжлүүлэхэд бэлэн гэсэн Ираны Ерөнхийлөгч Хассан Роуханийн мэдэгдэлтэй аятолла Хаменейн хэлсэн үг зөрчилдөж байгаа аж.