“Тэд ч цохилт өгч чадна, бид ч хариуг нь өгч чадна”

Умард Америкийн Агаар-сансрын батлан хамгаалах нэгдсэн командлалын дарга, адмирал Уильям Гортни лхагва гаригт Атлантын зөвлөлийн хурал дээр үг хэлэхдээ,  пуужингийн тус­ламж­тайгаар Америкт цөмийн цохилт өгөх чадал Умард Солонгост бий, ма­най цэргийнхэн ч үүнийг эсэргүүцэх чад­вартай гэсэн байна. Энэ адмирал АНУ-ын Зэвсэгт хүчний умард команд­лалыг бас тэргүүлдэг юм байна. Умард Солонгосын удирдагч ямар ааш гаргахыг урьдчилан тааварлахад түвэг­тэй гэж тэрбээр нэмж хэлжээ. Хэрэв Умард Солонгосын удирдагч Ким Жөн Ун бидний эсрэг ямар нэг юм харвах тэнэг ухаан гаргавал бид 24 цагийн дотор бэлэн байдалд орж чадна. Тэдний харвасан бүхнийг устгаж чадна гэдэгт би эргэлзэхгүй байна гэж Уильям Гортни хэлсэн байна.Умард Солонгос ураны хүдэр ол­борлож, боловсруулах үйлдвэрээ шинэч­лэн сайжруулж байгаа бөгөөд түү­нээс гаргасан бүтээгдэхүүнийг цөмийн зэвсэг үйлдвэрлэхэд ашиглаж бол­зошгүй гэх мэдээлэл урьд нь олны сонорт хүрч байсан юм.