“Хамгийн тохиромжтой үеийг тааруулж” товыг тогтооно

Япон улс ОХУ-ын Ерөн­хий­лөгч Владимир Путинийг айлч­луулах бэлтгэлийг ба­заах­даа тухайн үеийн олон ул­сын байдлыг харгалзан үзнэ гэж Сайд нарын танхимын ерөн­­хий нарийн бичгийн дарга Ёши­­хидэ Сүга мэдэгджээ. Айлч­­лалын товыг тогтоохдоо “хам­­­гийн тохиромжтой үеийг” тааруулахыг хичээж бай­­гаа аж.НҮБ-ын Ерөнхий ас­сам­б­лейн хүрээнд есдүгээр сарын 28-нд Путин Японы Ерөнхий сайд Шинзо Абэтэй уулзсан юм. Тэгэхдээ хоёр орны хооронд хэлхээ холбоо идэвхжиж буйг Путин тэм­дэг­лээд, бараа эргэлт бага­саж байгаад харамслаа илэр­хийлсэн бол Шинзо Абэ энхийн гэрээ байгуулах асууд­лыг хэлэлцэх бодолтой байд­гаа хэлсэн байдаг. Есдүгээр сарын 21-нд Оросын Гадаад хэргийн сайд Сергей Лавров Японы Га­даад хэргийн сайд Фумио Ки­ши­датай хийсэн хэ­лэл­цээ­рийнхээ дүнгээр мэ­дээ­лэл өгөхдөө Путинийг Японд айлч­луулах тодорхой хуга­цаа­ны талаар Токиогийн тавьсан саналыг Москва анхаарч үзнэ гэж хэлсэн юм.