Лукашенко тав дахь удаагаа сонгогдов

Беларусийн одоогийн Ерөн­хий­лөгч Александр Лукашенко Тө­рийн тэргүүний сонгуульд 83.49 хувийн санал авч ялсныг Сон­гуулийн ерөнхий комисс нь зар­ла­лаа. Тэрбээр Могилев мужид 88.29 хувийн дэмжлэг хүлээсэн нь хамгийн өндөр үзүүлэлт болсон байна. Минскэд сонгогчдын 65.58 хувь нь түүнийг дэмжсэн аж. Ер нь Лукашенко нэрээ дэвшүүлж оролц­сон таван сонгуулиас энэ удаа­гийнх хамгийн өндөр амжилт үзүүлсэн нь юм байна.1994 онд 80.6, 2001 онд 75.65, 2006 онд 83.0, 2010 онд 79.65 хувийн санал авч байжээ. Энэ удаад Лука­шен­котой өрсөлдсөн гурван хүний авсан саналын нийлбэр нь ердөө 6.4 хувь болжээ. Саяхны сонгуульд Бе­ларусийн түүхэнд анх удаа эмэг­тэй хүн Ерөнхийлөгчийн сон­гуульд өрсөлдсөн нь  Татьяна Корот­ке­вич бө­гөөд өрсөлдөгчид дотроо хам­гийн олон санал (4.42 хувь) авсан аж.