“Бидэнд дутуу юм байхгүй”

ОХУ-ын Ерөнхийлөгч Вла­­ди­мир Путин “Рос­сия-1” теле­ви­зийн нэвтрүүлэгт орол­­цож сур­валж­лагчийн асуултад хариу­лахдаа Си­рид Оросын явуулж буй байл­дааны ажиллагааны зо­рилго, түүнд хэрхэн бэлдсэн та­лаар ярьсан байна. Хууль ёсны эрх мэд­лийг нь тогтворжуулж, улс тө­­рийн тохиролцоонд хүрэх арга замыг хайх нөхцөлийг бүрдүүлэх нь бидний зорилго гэж тэрбээр хэл­жээ.Сирид Оросын Агаар-сансрын хүчний хийж буй үйлдлийг машид бэлтгэж байж эхлүүлсэн. Тэнд агаарт, газарт болж буй бүх үйл явдал аяндаа үүсээгүй, төлөвлөсөн зүйлээ л хэрэгжүүлж буй хэрэг юм гэж Путин хэлсэн байна.

Оросын Жанжин штабын мэр­гэ­жилтнүүд байлдааны ажил­ла­гааг эхлүүлэхийн өмнө сансраас, агаа­раас тагнуулын мэдээ цуг­луулж, түүнийгээ хооронд нь харь­цуулж үзжээ. “Бид хэрэгтэй газар, шаардлагатай хугацаанд хан­галттай хүч, хэрэгсэл, нөөц бөөг­нүүлэхийн тулд урьдчилсан арга хэмжээнүүдийг авсан. Бид түн­шүүд­тэйгээ хамтран Багдадад мэ­дээл­лийн төв байгуулсныг та бүхэн мэднэ” гэж Путин ярьсан байна.

Хуурай замын цэргийн ажил­лагаа явуулах талаар Москвагийн төлөвлөгөөнд ороогүй гэж тэрбээр дахин онцолжээ. Түүний үзэж буйгаар бол Орос улс “хэтрүүлэлгүй хэлэхэд” энхийг эрхэмлэсэн гадаад бодлого явуулж буй аж. “Бидэнд бусдын газар нутаг ч, байгалийн баялаг ч хэрэггүй. Манайд дутагдах юм байхгүй” гэж Путин мэдэгджээ.Хэн нэгэнтэй байлдах, зөр­чил­дөх, эсвэл эзэнт улсаа сэргээн байгуулах шаардлага огт байхгүй, харин өөрийн тусгаар тогтнол, бүрэн эрхт байдлаа ямагт хамгаалах болно хэмээн байр сууриа илэр­хийлсэн байна.