Иранд Япон хөрөнгө оруулна

Иранд айлчлал хийж байгаа Японы Гадаад хэргийн сайд Фумио Кишида тус улсын Ерөн­хийлөгч Хасан Роуханитай уул­зах­даа “Хөрөнгө оруулалтын тухай хэлэлцээр байгуулахаар үнд­сэндээ тохирлоо” гэж хэлсэн байна. Улс төр, эдийн засаг, соё­лын салбарт хоёр талын харил­цааг өргөжүүлж, эдийн засгаа хөг­жүүлэхэд Ирантай хамтарч ажил­лахаар Япон улс төлөвлөж байна. Мөн анагаах ухаан, хүрээ­лэн буй орчны салбарт хамтран ажил­лах хүсэлтэй байгаа гэж Японы сайд мэдэгджээ.Тохиромжтой цагт Японы Ерөнхий сайд Шинзо Абэг Иранд айлчлуулахаар Ираны Ерөн­­­хийлөгч, Японы сайд хоёр тохир­сон аж. Хөрөн­гө оруу­лалтын асуудлаар хоёр талын хийсэн тохироо нь Ираны зах зээлд Японы компаниуд орж ирэх замыг нээж буй юм. Бас Японы хөрөнгө Ираны эдийн засагт нэвтрэх батал­гаа бол­но. Түүнчлэн Японы тех­ник, технологийг гурав­дагч хүн, улсад дамжуулахад хориг бо­лох аж.2013 оны байдлаар Иран руу гар­гаж буй Японы экспорт 170 сая ам.доллар байжээ.