Номын хурим “Домогт монгол бөх”-өөс аатай аваргуудын уран барилдааныг үзээрэй

Монголчуудын эртнээс уламжилж ирсэн үндэсний спортын нэг төрөл бол бөхийн барилдаан юм. Монгол бөхийн тухай өгүүлсэн шүлэг, дуу олны дунд их түгсэн болохоор хүмүүс сон­сох дуртай. Бө­хийн сэдвээр дагнан бич­дэг Г.Мяг­мар­сүрэн “Домогт монгол бөх” номоо өл­гийдөн авч, уншигчдад хүр­­гэж байна. Түүний номд наадамчин олонд уран барилдаанаараа хайрлагдаж хүнд­лэгд­­сэн Дар­хан, даян болон ул­­сын аварга, арс­лан, заан, харцага, на­чин­гуу­дад зо­риулж тэр­лэсэн шүлэг, най­раглал багт­жээ. Ту­хайл­бал, “То­хой сөхөж хон­гонд ороод толгой дээ­рээ өргөж шидсэн. Дав­хар шуудагнаас мөргөж дай­­раад далайн да­вал­гаа шиг түрж цацсан. Давуулж гуя­даад далан дээр нь дарж хая­сан, даанчиг сай­хан ба­рил­­даанууд” гэх зэргээр би­­чиж уран, ший­дэм­­гий, дай­­чин, өвөрмөц ба­­рил­­даан­тай бөхчүүдийн ухаа­­ныг ха­руул­­сан байна. Энэ жи­лийн наад­мын түрүү бө­­­хөөр то­дор­сон Э.Бат­­маг­найг тэр­бээр

“...Суганы хонхроос шуналтай атгаж

Хоёр хөлийг нь баруун гараараа хөндлөн хорьж

Цээжний бяраар хүчтэй мушгин

Цэцэнханы залуу арсланг

Цэцэгт талд шидэж хаяад

Өөртөө ч итгэхгүй өндөр тэнгэртээ мэгшин уйлахад

Цэнхэр дээлтэй зүүн жигүүрийн тэргүүн засуул

Цээжин талаас нь түшиж авахад

Цэнгэлдэх дотор есийн даваа өндөрлөв” хэмээн тэрлэсэн нь Ардын хувьс­­­­галын 104 жилийн ойн Үн­­дэсний их баяр наадмын хүчит бөхийн барилдаан үзэгч­­­­­дийг догдлуулж, сууд­лаас нь бостол огшуулсныг гэрч­лэх бус уу. Аатай аварга, арслан цолт­­нуу­­даас аймгийн бөхчүүд эмээж бэргэлгүй ба­­рил­даж, зү­лэг ногоон дэв­жээнд өвдөг шо­роо­­дуулан ид хав, хүч бяраар эн тэнцүүхэн болсныг шүлэглэж бич­сэн ийм бүтээл ховор. Эн­гийн малчин айлын хүү болон мэндэлж, эгэл ол­ны дунд өсөж хүмүүжсэн түү­­ний эл бүтээлээс үндэсний өв соёл, тус­гаар тогтнолоороо ба­­хар­­­хаж, эв нэгд­лийг эр­хэм­лэ­дэг болох нь харагдана. “Уран мэхийг урал­­­дуулан хийж, барин авч ба­рилдъя гэв ээ” хэмээн “Домогт мон­­­­гол бөх” ном уншигч таны оюу­ны хой­морт ийн залрав. Шим­тэн уншина уу.