Хөдөлмөр, нийгмийн түншлэлийн гурван талт хэлэлцээр байгуулав 

Засгийн газар, ажил олгогч болон ажилтны төлөөллийн байгууллагууд хамтран хөдөлмөр, нийг­мийн түншлэлийн гурван талт 2026-2028 оны улсын хэлэлцээрт өнгөрсөн баасан гарагт гарын үсэг зурлаа. Тодруулбал, Ерөнхий сайд Н.Учрал, Эрүүл мэндийн сайд Э.Батшугар, Гэр бүл, хөдөлмөр, нийгмийн хамгааллын сайд Т.Ау­ба­кир тэр­гүүтэй салбарын сайд, яамдын удирд­лага, Мон­голын үйлдвэрчний эвлэлийн хол­бооны ерөнхийлөгч Э.Тамир, Монголын ажил олгогч эздийн нэгдсэн холбоо, Монголын үндэс­ний худалдаа аж үйлдвэрийн танхим болон холбогдох талууд оролцож, хэлэлцээрийг албан ёсоор байгуулав. 

Эл хэлэлцээр нь хөдөлмөр эрхлэлтийг дэмжих, иргэдийн орлогыг нэмэгдүүлэх, хөдөлмөр­лөх эрхийг хангах, нийгмийн хамгааллын ба­талгааг бэхжүүлэх, түншлэлийг шинэ шатанд гар­гах, цалин хөлсний бодлогыг боловсронгуй болгоход чиглэж буйгаараа онцлог. Мөн хө­дөлмөрийн зах зээлийн эрэлт, нийлүүлэлтийг уялдуулах, ур чадвартай ажиллах хүчин бэлтгэх, ха­лам­жаас хөдөлмөрт шилжих бодлогыг хэрэгжүү­лэх, бүтээмжийг нэмэгдүүлэх, төр, хувийн хэвш­лийн түншлэлийг өргөжүүлэхэд чиглэж буй. Талууд тус хэлэлцээрийн хэрэг­жилтийг хан­гаж, жил бүр дүгнэн, олон нийтэд мэдээлэх юм байна. Шинэ техник, технологи, цахим шил­жилт­тэй холбоотойгоор дижитал хөдөлмөр эрх­лэл­тийн судалгаа, Хөдөлмөрийн хууль тог­тоом­жийн үр дагаврыг үнэлэх, хэрэгжилтийг эр­чим­жүү­лэх, хөдөлмөр эрхлэлтийг дэмжих хууль, эрх зүйн болон бодлогын шинэчлэл хийх нь.

Ташрамд, Хөдөлмөр, нийгмийн түншлэлийн гурван талт улсын хэлэлцээрийг 1999 оноос хойш хоёр жил тутамд тогтмол баталсан бөгөөд нийт 11 удаа байгуулсан байна. Харин 2022 оноос эхлэн хэлэлцээрийг гурван жилийн хугацаатай байгуулах болжээ.

Ч.Цэлмэг