Улаанбаатар хотын цагдаагийн газраас сар шинийн баярыг угтаж цэргийн байнгийн тэтгэвэрт гарч гавъяаныхаа амралтыг эдлэж байгаа алба хаагч, ахмад настнууддаа хүндэтгэл үзүүлдэг уламжлалтай.
Энэ жилийн арга хэмжээнд гавьяаныхаа амралтанд суугаа 150 гаруй ахмад хүрэлцэн иржээ. Энэ үеэр Улаанбаатар хотын цагдаагийн газрын ахмадын хорооны дарга, цагдаагийн бэлтгэл хурандаа Т.Дамдин оролцож шинэхэн ахмад ажилтанууддаа захиа даалгавараа өгч “Ахмадын хорооны үнэмлэх”-ийг гардуулсан юм.
Мөн хүндэт зочиддоо зориулсан урлагийн тоглолт хийн, дурсгалын зүйл гардууллаа.
