Монголчууд бид Цагаан сарыг өвлийг өнтэй давж, урин цагтай золгосны баяр хэмээдэг. Гэвч хаврын сартай золгов уу үгүй юү хангай дэлхий “ааш”- аа гаргаж, сар шинийн өдрүүдэд зарим нутагт цасан шуурга шуурч, зам даваа хаагдан, онц байдал зарласан билээ.
Ирэх өдрүүдэд цаг агаар ямар байх талаар Цаг уур орчны шинжилгээний газраас тодрууллаа. Өнөөдөр Улаанбаатар хот болон хөдөө орон нутгуудаар цас орохгүй бол энэ сарын 24, 27-нд зарим газраар, 25-нд нутгийн зүүн хагаст, 26-нд зүүн зүгийн нутгийн зүүн хэсэг, баруун зүгийн нутгийн зарим газраар цас орж, цасан шуурга шуурна.
Салхи 24-25-нд зарим газраар 12-14 метр хүрч ширүүсэх аж. Увс нуур болон Дархадын хотгор, Идэр, Тэс голын сав газраар шөнөд өө 35-40, өдөртөө 17- 22 градус, говийн бүс нутгийн өмнөд хэсгээр шөнөдөө 15-20, өдөртөө 4-9, бусад нутгаар шөнөд өө 20-25, өдөртөө 8-13 градус хүйтэн байх юм байна.
Ч.ТУЯА
