“Умард Солонгосын өдөөн хатгалгад шийдвэртэй хариу өгнө

”Өмнөд Солонгосын Ерөнхийлөгч,  хатаг­тай Пак Гын Хетэй хэлэл­цээ хийснийхээ дараа АНУ-ын Ерөн­хий­лөгч Барак Обама Цагаан ор­донд сэт­гүүлчидтэй уулзахдаа Умард Солон­госыг цөмийн зэвсэгтэй улс болохыг бид зөв­шөөрөхгүй гэж мэдэгдсэн байна. Солон­госын хойгийг цөмийн зэвсэггүй болгож, НҮБ-ын Аюулгүйн зөвлөлийн тогтоолыг хэрэг­жүүлэхийг Пхеньянаас шаардана гэж тэр­бээр хэлжээ. Цөмийн болон пуужингийн хөтөл­бөр нь олон улсаас хөндийрүүлснээс өөр юу ч Умард Солонгост өгөөгүй гэж тэр дүгнэсэн аж.Өөрийн холбоотон Өмнөд Солонгосын өмнө АНУ-ын хүлээсэн үүргийг Обама нот­лоод,  Умард Солонгосын зүгээс гаргасан али­ваа өдөөн хатгалгад хоёр улс шийд­вэр­тэй хариу барих болно гэж Обама хэллээ.

Өмнөд Солонгосын Ерөнхийлөгч Пак Гын Хе ч Умард Солонгосын өдөөн хат­галгыг Хятад, Япон, Орос оролцсон олон улсын хамтын нийгэмлэг таслан зог­сооход бид хүчин чармайлтаа гаргана гэж хэл­жээ. Талууд сансрын салбарт хамтран ажил­лахад онцгой анхаарна гэж тэрбээр мэдэгд­сэн байна. Түүнчлэн Америк, Өмнөд Солон­гос улсууд дүрвэгчдэд туслах, цөмийн аюулгүй байдлыг сахих, цаг уурын өөрч­лөлт, хэт даврах үзлийн илрэлтэй хамт­ран тэмцэхээр төлөвлөж буй аж. Аме­рикийн Ерөнхийлөгчийн сонгуульд нэ­рээ дэвшүүлэх гэж буй Дональд Трамп Сөүл, Берлин, Токиог “хоолны савнууд” гэж нэрлээд тэднийг хамгаалахад АНУ их хөрөн­гө зарж байдаг гэж мэдэгдсэн удаатай.