Гвинейн Ерөнхийлөгч Альфа Конде хоёр дахь удаагаа Төрийн тэргүүнээр сонгогдлоо. Урьдчилсан байдлаар сонгуульд оролцогчдын 90 орчим хувь нь түүнийг дэмжсэн гэж Сонгуулийн комисс нь мэдээлсэн байна. Энэ нь 2.2 сая хүн Альфа Кондегийн төлөө саналаа өгсөн гэсэн үг аж. Сонгогчдын оролцоо 75 хувь байх болов уу гэж таамаглаж байсан ч 66 хувьтай байсан гэнэ. Сонгуулийн эхний шат нь энэ сарын 11-нд болсон бөгөөд сөрөг хүчин нь түүнийг “багт наадам” гэж нэрлэсэн байна. Гвинейд мөрдөж буй хуулиар нэр дэвшигчдийн аль нэг нь эхний шатанд 50-иас дээш хувийн санал авахгүй бол дараагийн шатыг нь явуулах ёстой юм байна. Түүнээс гадна нэг хүн Ерөнхийлөгчийн суудалд хоёр удаа л суух боломжтой.Баруун Африкийн энэ улсын Ерөнхийлөгчийн сүүлчийн сонгууль 2010 оны арваннэгдүгээр сард болж, сөрөг хүчнээс нэр дэвшсэн Конде хоёрдугаар шатанд ялсан аж. 1958 онд тус улс Францын колониос чөлөөлөгдөж, тусгаар тогтнолоо олсноос хойш болж буй анхны чөлөөт сонгууль нь энэ байв.
Өчигдрөөс илүү маргаашийг
бүтээхийн төлөө
