Энэ сарын 19-ний даваа гаригт Канадад болсон парламентын сонгуульд Либераль нам ялж, дарга Жастин Трюдо нь Ерөнхий сайдаар есөн жил ажилласан Стивен Харперийн халааг авлаа. Тэрбээр Ерөнхий сайд байсан Пьер Трюдогийн хүү юм. Канад улс “Исламын улс”-ын эсрэг хийж буй тэмцлийг дэмжиж, тэгэхдээ Сирид агаараас цохилт өгөхөд оролцохыг зогсоож, зэвсэглэсэн сөрөг хүчнийг нь бэлтгэх, сургалт явуулахад анхаарах ёстой гэж шинэ Ерөнхий сайд үзэж буй аж.Бүх нийтийн сонгуулиар парламентын 338 депутатыг сонгож, ялсан намын дарга нь Ерөнхий сайд болдог учиртай юм байна. Зүүн төвийн Шинэ ардчилсан нам авсан саналын тоогоор гуравт оржээ.
Өчигдрөөс илүү маргаашийг
бүтээхийн төлөө
