Обама батлан хамгаалах зардлын тухай хуульд хориг тавьжээ

БНН-ынхан олонх нь байгаа Конгресс урьд нь дэмжсэн батлан хамгаалах зардлын тухай хуульд АНУ-ын Ерөнхийлөгч Барак Обама хориг тавив. Энэ зардал 612 тэрбум ам.доллар байхаар түүнд тусгасан байжээ. Обамагийн үзэж буйгаар онцгой ач холбогдолгүй хөтөлбөрт хэт их хөрөнгө зарахаар төлөвлөсөн хэрнээ Гуантанамо дахь шо­ронг хаахад саад хийхээр  уг баримт бичигт тусгасан аж. Гэхдээ цэргийнхнийг тэт­гэ­вэрт гаргах тогтолцоонд өөрч­лөлт хийх, цахим аюулгүй байд­лыг санхүүжүүлэх зэ­рэг авууштай юм байгааг Обама бас тэмдэглэсэн байна. Хуулийн төсөлд бат­лан хамгаалах зардлыг Аме­рикийн эдийн засгийг өс­гөх­гүй­гээр нэмэгдүүлсэн нь ар­мийг сайжруулах чиглэлд шаардл­ага­тай өөрчлөлт хийхэд саад болж бай­на гэж Обама үзэж буй юм байна.Энэ баримт бичгийг Конг­ресс одоо дахин авч үзэх учир­тай. Төлөөлөгчдийн танхимын тэр­гүүн, БНН-ын Жон Бейнер армид дотоод бодлогоо илүүд үзээд Америкийн үндэсний аюул­гүй байдлыг Обама эрсдэлд оруулж байна гэж мэдэгдэв.