Холливудын нэг од “харважээ”

Ирланд-Америкийн жүжигчин, Холливудын “алтан үеийн” сүүлчийн оддын нэг Морин О’Хара 95 насандаа өөд болжээ. Хатагтай Айдахо муж улсын Бонс хотод байх гэр­тээ унтаад сэрээгүй гэнэ. О’Хара 1941 онд бүтээж таван удаа “Оскар” авсан “Миний ногоон хөндий” кинонд тоглосон аж. Түүнч­лэн Жон Уэйнтэй хамт Жон Фордын кино­нуу­дад, түүний дотор “Ном­хон хүн”-д бас тогложээ.Морин О’Хара Дублинд төрөөд 1939 онд Холливудэд ирж, сүүлд нь  Америкийн ир­гэн болсон байна. “Түүний бүтээсэн дүрүүд өөртэй нь адилхан эршүүд, зоримог байсан” гэж гэр бүлийнхнээс нь гаргасан мэдэгдэлд өгүүл­жээ.  Кино урлагт түүний хийсэн ажлыг олон жил мартахгүй дурсах болно гэж Ирландын Ерөнхийлөгч Маикл Хиггинс хэлсэн байна.