Арабын Нэгдсэн Эмират Улсын Дубай хотноо зохион байгуулагдсан "Dubai PUBG mobile global championship" тэмцээнд Монгол Улсыг төлөөлөн оролцсон ZEUS CLAN /Pubg Mobile Mongolia\ баг 292 оноотойгоор гуравдугаар байрт шалгарсан байна. Тэд дэлхийн шилдэг 16 багтай өрсөлдөж ийнхүү гуравдугаар байранд орж $100.000 шагнал авав.
Энэ тухай ZEUS CLAN /Pubg Mobile Mongolia\ баг "Гуравдугаар байранд орж цомоо хүлээж авлаа. Монголын и-спортын түвшинг өндөрт гаргаж гавьяа байгуулж чадлаа. Цааш цаашдаа дэлхийд танигдсан, бусад улсын багууд мэддэг, эмээдэг, олон олон өндөр амжилт гаргах чадвартай баг боллоо. Мөн энэ жил PMCO сонгон шалгаруултанд урилгаар орох байгаа шүү. Энэ бол эхлэл ..." хэмээн фейсбүүк дэх хуудастаа бичжээ.
