Харин 2010 оноос хойш 16 жилийн турш засгийн эрхийг барьсан Ерөнхий сайд Виктор Орбан ялагдлаа албан ёсоор хүлээн зөвшөөрөв. Урьдчилсан байдлаар Виктор Орбаны Фидес болон Христийн ардчилсан ардын намын эвсэл 55, хэт барууны үзэлтэй “Бидний эх орон” хөдөлгөөн зургаан суудал авсан аж. Түүнчлэн сонгогчдын ирц 77.8 хувьд хүрсэн нь тус улсын түүхэн дэх хамгийн өндөр үзүүлэлтүүдийн нэг болжээ.
Шинээр байгуулах Засгийн газрын гадаад бодлогын тухайд Петер Мажар анхны айлчлалаа Варшавт хийж, “Вышеградын дөрвөл”-ийн хүрээнд Төв Европын орнуудын хамтын ажиллагааг сэргээхээ мэдэгдэв. Мөн Вена, Брюссель хотод айлчлан Европын холбооны царцаасан санхүүжилтийг эргүүлэн авах чиглэлээр хэлэлцээ хийхээр төлөвлөжээ. Дотоод бодлогын хувьд авлигын тогтолцоог халж, хууль дээдлэх ёсыг сэргээн, эрүүл мэнд, боловсролын салбарыг цогцоор нь шинэчлэх зэрэг асуудлыг 240 хуудас бүхий мөрийн хөтөлбөртөө тусгасан байна. Мөн тэрбээр төрийн хараат бус байдлыг хангахын тулд Дээд шүүхийн ерөнхий шүүгч болон ерөнхий прокурор зэрэг томоохон албан тушаалтнуудыг огцрохыг уриаллаа.
Э.Сүйлэн
