CNBC мэдээлснээр, АНУ болон Ираны хоорондох энхийн хэлэлцээрийн хоёр дахь шатны хэлэлцээр цуцлагдсаны дараа дэлхийн газрын тосны үнэ 2026 оны 4-р сарын 27-нд өсч эхэлжээ.
Ираны талтай хэлэлцээ хийхээр Америкийн төлөөлөгчдийг Пакистан руу илгээх төлөвлөгөө цуцлагдсан нь эрчим хүчний зах зээлд үймээн самуун үүсгэв.
Brent түүхий газрын тосны фьючерси үнэ 2 хувиар өсөж, нэг баррель нь 107.37 ам.долларт хүрчээ. Үүний зэрэгцээ Америкийн “West Texas Intermediate” газрын тосны фьючерсийн үнэ 1.86%-иар өсч, 96.13 ам.долларт хүрсэн байна.
Энэ нөхцөл байдлын улмаас АНУ-ын гурван томоохон хувьцааны индексийн фьючерсүүд буурчээ.
Бямба гарагт АНУ-ын Ерөнхийлөгч Дональд Трамп Ирантай хэлэлцээ хийхээр Исламабад руу явах төлөөлөгчдийн айлчлалаа цуцалснаа мэдэгдсэн. Тухайн өдрийнхөө сүүлээр тэрээр Вашингтон Тегеранаас илүү таатай нөхцөлтэй шинэ санал хүлээн авсан гэж мэдэгдсэн юм.
Ираны тал анхнаасаа АНУ-ын төлөөлөгчидтэй уулзахаар төлөвлөөгүй гэж мэдэгдэж байсан. Тус улсын Ерөнхийлөгч Масуд Пезешкиан Пакистаны Ерөнхий сайд Шехбаз Шарифтай утсаар ярихдаа, шахалт, заналхийлэл дор, мөн боомтуудыг нь бүслээд байгаа нөхцөлд энхийн хэлэлцээнд оролцохгүй гэж мэдэгджээ.
