Мөрөн сумд гурван тэрбум төгрөгөөр 150 ортой цэцэрлэг барьжээ 

Хөвсгөл аймгийн Мөрөн сумын VIII цэ­цэрлэгийг өргөтгөн, 240 хүүхэд хүлээн авах хү­чин чадалтай болгожээ. Тодруулбал, 2024 оны улсын төсөвт тус цэцэрлэгийн өргөтгөл барих санхүүжилтийг тусгасан бөгөөд “Өсөх нум” ХХК гурван тэрбум төгрөгийн дүнтэй барилга угсралтын гэрээ байгуулж, тухайн жи­лийнзургаадугаар сарын 17-ноос эхлэн хэрэг­жүү­лэ­хээртохирсон байна. Гэ­рээ­ний дагуу тус ком­пани үүргээ гүйцэтгэж, барилгыг барьж дуус­санбө­гөөдирэх сарын 1-нд ашиглалтад оруу­лахаар бэлтгэл ажлаа хан­га­жээ. 

захиалагчийн хяналтыг “Ба­рилгын хөгжлийн төв” ТӨҮГ, зураг төслийн ажлыг “Грийн пайнт тийм” ХХК тус тус гүйцэтгэж буй аж. Шинэ цэцэрлэгийг ашиглалтад оруулснаар зургаан багш, мөн тооны туслах багш, тогооч, үйлч­лэгч зэрэг 15 орчим хүн орон нутагтаа аж­лын байртай болох нь. Түүнчлэн албан хаагч­дын ажиллах нөхцөл сайжрахаас гадна цэ­цэр­лэгийн хүчин чадал бараг гурав дахин нэмэг­дэх аж. Өөрөөр хэлбэл, тухайн цэцэрлэгт өмнө нь 90 хүүхэд хүлээн авдаг байсан бол өдгөө нэмж 150 хүүхэд багтаах боломжтой болжээ. Ингэснээр уг цэцэрлэгийн хамран сургах тойрог хоёр хорооллоор өргөжиж, багачууд гэртэйгээ ойр, тав тухтай орчинд сургуулийн өмнөх боловсрол эзэмших боломж бүрдэхийг албаныхан онцолсон. 

Мөн тус аймгийн Цагааннуур сумын хуучин цэцэрлэгийн барилга ашиглалтын шаардлага хан­гахгүй болсон тул улсын байцаагчийн дүгнэлтээр үйл ажиллагааг нь зогсоосон байна. Үүн­тэй холбоотойгоор 2024 оны улсын төсөвт 4.3 тэрбум төгрөгийн төсвөөр 150 ортой цэцэрлэг барьж буй бөгөөд есдүгээр сарын 1-нд хүлээлгэн өгө­хөөр ажиллаж буй гэнэ.

Ч.Цэлмэг