Жаргалант гол руу 30 мянган жуулчин аялжээ 

Хөвсгөл аймгийн Рэнчинлхүмбэ сумын нутагт орших Жаргалант гол манай улсын дотоодын аялал жуулч­лалын гол бүс нутагт тооцогдох болжээ. Өнгөр­сөн онд тус гол руу 30 мянга гаруй хүн аялж, орон нутагт 20 орчим тэрбум төгрөгийн орлого төвлө­рүүлс­нийг тусгай хамгаалалттай газрын бүртгэл, мэ­дээлэлд тулгуурлан тооцсоныг Санхүү, эдийн засгийн их сургуулийн аялал жуулчлалын багш, судлаач Б.Мөнхтогтох хэлэв. 2026 оны эхний сард буюу аялал жуулчлал хамгийн идэвхгүй байдаг үеэр гэхэд до­тоодын 7000 гаруй иргэн Рэнчинлхүмбийг зорьсон байна. 

Тус гол байгалийн өвөрмөц тогтоц, үзэсгэлэнт төрхөөрөө жуулчдыг татдаг. Жаргалант 50 хэмийн хүйтэнд хөлддөггүй, голын ёроолын ургамал нь мөнх но­гооноороо харагддаг гэдэг. Иймд нутгийн иргэд энэ голыг амьтай хэмээн бэлгэдэж, хайрлан хамгаалдаг аж. Сүүлийн жилүүдэд Жаргалантын үзэсгэлэнт төрхийг харах гэсэн жуулчид өвлийн улиралд хоймор нутгийг зорих нь олширчээ. Уг голд түшиглэн байгалийн, дотоодын, өвлийн, тусгай сонирхлын гээд олон аяллыг төрөлжүүлэн хөгжүүлэх боломжтойн сацуу хүрээлэн буй орчныг нь хамгаалах, тогтвортой мене­жмент хэрэгжүүлэх шаардлагатайг ч судлаачид дурдаж байна.

Н.Дүүл