Баяндэлгэр, Онгон сумд тусгай хамгаалалттай газар байгуулна 

Байгаль, зэрлэг амьтан хамгаалах нийгэмлэг (WCS)- ийн Монгол дахь хөтөлбөрийн газрынхан Сүхбаатар айм­­гийн Байгаль орчны газартай хамтран тусгай хам­гаалалт­­тай газар нутгийн сүлжээг бэхжүүлэх төлөвлөгөөг хэ­рэгжүүлэхээр болжээ. Үүний хүрээнд хийх гол ажил нь Баяндэлгэр, Онгон сумд орон нутгийн тусгай хам­гаалалт­тай газар шинээр байгуулах бол цаашдаа бүс нутгийн хэм­­жээнд тусгай хамгаалалттай нутаг дэвсгэрийн хэмжээг нэмэгдүүлэх, менежментийг нь сайжруулах, байгаль хамгаалагчдыг чадавхжуулах чиглэлд түлхүү анхаа­­рах нь. Мөн хулангийн тархац, нүүдэл, шилжилт хө­дөлгөөний холбоос нутгийг хамгаалж, энэ чиглэлээр тө­сөл, хөтөлбөр хэрэгжүүлэхээр төлөвлөжээ. 

Манай улс 2030 он гэхэд газар нутаг дэвсгэрийнхээ 30 хувийг улсын тусгай хамгаалалтад авах зорилт дэвшүү­­лээд буй. Үүнд хүрэхэд орон зайн төлөвлөлт болон үр дүнтэй менежмент чухал гэдгийг дээрх олон улсын бай­­гуул­лагынхан онцолж байна.