Шатахууны нийлүүлэлт, газрын тосны хайгуул, олборлолтыг өсгөхөд урд хөрштэй хамтрах нь 

Аж үйлдвэр, эрдэс баялгийн сайд Г.Дам­динням БНХАУ-ын Газрын тосны кор­порац (China national petroleum corporation CNPC)-ын удирдлагатай уулзаж, хоёр улсын газрын тосны салбарын хамтын ажиллагааг шинэ түвшинд гар­гах, дараагийн 20 жилийн стратегийн түншлэлийг өргөжүүлэх асуудлаар санал тавьж, хамтран ажиллахаар тохиролц­сон байна. Уулзалтаар шатахууныг БНХАУ-аас урт хугацаанд тогтвортой ний­лүүлэх, Монгол дахь газрын тосны хайгуул, олборлолтыг өсгөх, улмаар нефть боловсруулах үйлдвэрийн түүхий эдээр хангахад анхаарч ажиллахаар тохи­ролцсон байна. CNPC-ийн зү­гээс Мон­голд энэ сард 10 000 тонн авто­бен­зин, онгоцны болон дизелийн түлш 7000 тонныг нийлүүлэх юм байна. Түүнч­лэн АҮЭБЯ-ны зүгээс есдүгээр сард нэмж 5000 тонн АИ-92, 20 000-30 000 тонн дизелийн түлш, ирэх сард АИ-92 бен­зин 10 000, дизелийн түлш 30 000-40 000 тонныг нийлүүлэхийг хүсжээ. Уг хү­сэлтийг урд хөршийн тал судалж нааш­тай хариу өгөхөө илэрхийлсэн аж. Цаа­шид шатахууны нийлүүлэлтийг урт хуга­цаанд тогтвортой хангах гэрээ байгуу­лахаар талууд ярилцсан байна.

С.Цэрэн