Өмнө нь олон улсын хамтын ажиллагаа, төсөл, хөтөлбөрийн хүрээнд нийлүүлсэн ийм төрлийн мэргэжлийн тоног төхөөрөмж, хэрэглэгдэхүүний гаалийн болон НӨАТ-ын зардлыг тухайн жилийн төсөвт тусгаагүйгээс бараагаа авч чадахгүйд хүрэх зэрэг хүндрэл үүсдэг байв. Үүний улмаас гаалийн агуулахын төлбөр нэмэгдэх, шаардлагатай хэрэглэгдэхүүн орон нутагт очихгүй байх, цаашлаад хуваарьт ажиглалт, шинжилгээ тасалдах эрсдэл тулгардаг байсныг Цаг уур, орчны шинжилгээний газрынхан хэлсэн. Харин өдгөө цаг уур, ус судлалын ажиглалт, шинжилгээний тасралтгүй, шуурхай байдлыг хангах, олон улсын хамтын ажиллагааны үр өгөөжийг нэмэгдүүлэх боломж ийн бүрдсэнийг онцлов.
М.Гэгээ
