Хавдар эрт оношлогдвол эдгэрдэг өвчин. "Хавдрын эсрэг үндэсний аян"-ы хүрээнд Хавдар судлалын үндэсний төвийн эмч нарын баг ирэх тавдугаар сарын 5-наас эхлэн Орхон, Булган зэрэг 12 аймаг, 2 сумын иргэдийг хавдрын үзлэг оношлогоонд үнэгүй хамруулахаар болжээ. Үзлэгт хамрагдах иргэд аймгийнхаа Нэгдсэн эмнэлэгт урьдчилан бүртгүүлэх ёстой. Үзлэгийг тавдугаар сарын 11-22-нд Говьсүмбэр, Дорноговь аймаг, Замын-Үүд суманд, 18-23-нд Өмнөговь, 25-29-нд Төв, зургадугаар сарын 1-13-нд Архангай, Өвөрхангай, 8-13-нд Сүхбаатар, 15-20-нд Говь-Алтай, 15-25-нд Увс аймагт хийх аж.
