Завхан аймгийн Тосонцэнгэл суманд 21 хүнтэй, 31-66 УБУ улсын дугаартай, зорчигч тээврийн автобус голд суусан байна. Уг автобусны жолооч Оргих багийн нутаг Дуганатын хясаа гэдэг газраар урсах Идэр голыг гатлахдаа гүүрээр биш мөсөн дээгүүр явснаас цөмөрч, ийм байдалд хүрчээ. Тус аймгийн Онцгой байдлын хэлтсийн гурван албан хаагч өчигдөр дуудлагаар очин, уг автобусыг татаж гаргав.
