С.Молор-Эрдэнийг суллаж, хилээр гарах, нэр бүхий хүнтэй уулзахыг хориглолоо 

Үндэсний эв нэгдлийг бусниулах гэмт хэрэгт холбогдон шалгуулж, цагдан хориг­дож буй философич С.Молор-Эрдэнийг бат­лан даалтад гаргах захирамжийг өчигдөр Дүүргийн эрүү, иргэний хэргийн хялбар ажиллагааны анхан шатны тойргийн шүү­хийн ерөнхий шүүгч Б.Халиун гаргалаа. Өнгөр­сөн долоо хоногт тус шүүхийн шүүгч Ч.Алдар түүнд авсан цагдан хорих таслан сэргийлэх арга хэмжээний хугацааг нэг са­раар сунгах захирамж гаргаад бай­сан юм. Үүнийг эс зөвшөөрч С.Мо­лор-Эр­дэнийн өм­гөөлөгч нар ерөнхий шүүг­чид хандсанаар ял­лаг­даг­ чийн эрүүл мэндийн байдлыг харгалзан цагдан хорих таслан сэргийлэх арга хэм­жээг өөр­чилж, прокурорын саналыг үн­дэс­лэн яллагдагчид улсын хилээр га­рахыг хяз­гаар­лах, Улаан­баатар хотын нутаг дэвс­гэрээс гарч явах, нэр бүхий орол­цог­чид тойуул­зах, харилцах, ха­рил­цаа холбоо тогтоохыг хо­риглох хяз­­гаар­лалт тогтоосон байна. 

Шүүх цагдан хорих хугацааг сунгах захирамж гаргасны дараа тэрбээр ШШГЕГ-ын харьяа Цагдан хорих 461 дүгээр хаалттай ангиас захидал бичиж “Намайг хорих шалтгаан болох бодит баримт юу байгаа юм бэ. Ердөө л үзэл бодол хорих шалтгаан гэж үү. Би философичийн ажлаа л хийсэн. Дэлхий нийтийн сэхээтнүүдийн эрхэмлэдэг соёл дэв­шил болох олон үзэл бодлоос нийгэм урагш­лахад онцгой үүрэг гүйцэтгэж ирсэн. Үүнийг би эх орондоо хэрэгжүүлэхийг зорьдог. Ийм сайхан үйл хэргийг хорьж, замыг хааж хэзээ ч болохгүй. Үзэл бодол олон байж чөлөөтэй илэр­хийлэх боломж бол ардчилсан нийгмийн үнэт зүйл. Сар гаруй хугацааны өмнө ИЗННаас на­майг 2027 оны Ерөнхийлөгчийн сонгуульд нэр дэвшихийг зарлангуут улс төржүүлж эхэлсэн. Нэг жил хагасын өмнө ярь­­сан үзэл бодлыг гуйвуулж, олон нийтэд сөрөг ойлголтууд өгснөөр үйл явдал өр­нөж, улмаар Хууль зүй, дотоод хэргийн сайд С.Амар­сайхан мэдэгдэл хийж хорих ту­хайби яриа­гүйгэж байсан. Надад тэсэхийн ар­гагүйбайна. Энэ балмад үйл ажиллагааг зогсоохыг шаар­даж байна” хэмээсэн юм.