“Хуулиар хамгаалаагүй нөхцөлд хэн ч шүгэл үлээхгүй” 

“Зөвийг шүгэлдэгчид” НҮТББ болон Монголын барилгачдын нэгдсэн холбооны төлөөлөл хамтран Шүгэл үлээгчийн эрх зүйн байдлын ту­хайхуулийн төслийг УИХ-ын намрын чуул­ганаар хэ­­лэл­цэж, батлахыг шаардан өчиг­дөрмэдээ­лэл хийлээ. 

Монголын барилгачдын нэгдсэн холбоо­­ны тэргүүн дэд ерөнхийлөгч Б.Өл­зийбат “Нийгэм шударга дуу хоолойг хү­сэж бай­­на. Шударга бус зүйлийн эсрэг дуу­гарах бо­ломжийг Шүгэл үлээгчийн эрх зүйн байдлын тухай хууль олгоно. Гэтэл энэ хуулийг өнөөг хүртэл баталсангүй. Тий­мээс Засгийн газарт хуулийн төслийг УИХ-аар яаралтай хэлэлцүүлж, асуудлыг шийд­вэрлэх шаардлага хүргүүлж байна. Барилгын салбар авлигад живснийг салбарынхан бүгд мэддэг. Эгэл жирийн ажил­чидүүнийг эсэргүү­цэн тэмцдэг ч тэднийг хамгаалах хууль байх­гүй. Шүгэл үлээж, нийгэмд дуу хоо­лойгоо хүр­гэс­нийхээтөлөө хохирч үлдэх ёсгүй. Хуулиар хамгаалаагүй нөхцөлд хэн ч шүгэл үлээхгүй. Монголд хоёрхон сонголт үлдсэн. Нэг бол шүгэл үлээгээд нухчин даруулж, чич­­лүүлнэ. Эсвэл дарга, сайд, албан тушаалтнуудын өмнөөс дуу­гарчбайгаад тушаал дэвшдэг жишиг тогт­лоо. Нийгэмд тэгш бус байдал газар авч буй нэг шалтгаан нь шүгэл үлээгчдийг хамгаалах эрх зүйн ор­ чин бүрдээгүйтэй шууд холбоотой. Шүгэл үлээгчийн эрх зүйн байдлын тухай хуулийг баталснаар салбар бүрд авлигыг бууруулах, илрүүлэх боломж бүрдэнэ” гэв. 

“Зөвийг шүгэлдэгчид” НҮТББ-ын тэргүүн Г.Эрдэнэзул “Энэ бол хамгийн удаан гац­сан хуулийн төслүүдийн нэг. 2022 оноос хойш энэ тухай ярьж байна. Гэтэл цаана нь ямар ашиг сонирхол нуугдаж буй болоод өнөөдрийг хүртэл батлахгүй байгаа юм бэ” хэмээв.

У.Сүрэн