Мал тооллогын урьдчилсан дүнгээр 2011 оны жилийн эцэст манай улсын нийт мал сүргийн тоо 36.3 сая толгойд хүрч, өмнөх оныхоос 11 хувиар өсчээ. Түүнчлэн улсын хэмжээнд 273 сум, таван дүүрэгт мал сүрэг өссөн байна. Үүнээс Архангай, Баян-Өлгий, Баянхонгор, Булган, Говь-Алтай, Дорноговь, Дундговь зэрэг 14 аймгийн мал хамгийн их өсчээ. Харин 56 сум, дөрвөн дүүрэгт малын тоо толгой буурсан дүн гарсан байна. Мөн тэмээний тоо 15 аймагт өсөж, зургаан аймагт буурсан бөгөөд Өмнөговь аймагт хамгийн олон буюу 88.7 мянган тэмээ байсан аж.
