Скүүтер, суррон, мопедоор ирэх сарын 10-наас хөдөлгөөнд оролцох боломжтой

Урин дулааны улиралд унадаг дугуй, скүү­тер, мопед, суррон, мото­цикл­­ той авто за­мын хөдөлгөөнд орол­цог­ чид эрс нэмэгддэг. Нийс­лэлд өдөрт дунд­жаар 37 мянга орчим хүн дээрх тээв­рийн хэрэгсэл ашиглан, 600 мянга ав­то­машин болон яв­ган зор­чиг­чидтой зэрэгцэн замын хөдөл­гөөнд оролц­дог байна. Үүнээс үүдэл­тэй осол, гэмт­лийн тоо ихэсдэг учир ХЭҮК-оос “Хав­раас хамтдаа аюулгүй зорчъё” аян эх­лүүлжээ. Уг аяныг Тээв­рийн цаг­даагийн алба болон тө­рийн бус зарим байгуул­лагынхан дэм­жин оролцож буй аж. Өн­гөрсөн онд нийс­лэлд сур­рон­той холбоотой зам, тээв­рийн 160, мо­педоос үүдэлтэй 64 осол тус тус бүртгэгд­сэн байна. Ос­лын улмаас хүүхэд, за­луус бэртэх, цааш­лаад амиа алд­сан то­хиолдол ч гарс­ныг цагдаагийн байгуул­ла­гын­хан хэл­дэг.

Нийслэлийн Засаг даргын за­хи­рамжаар скүү­тер, мопед, суррон зэрэг хоёр дугуйт тээв­рийн хэрэгслийн хө­дөлгөөнийг аравдугаар са­раас дөрөв­дүгээр сарын 10-ны хооронд түр хяз­гаар­­ ласан. Энэ хугацаанд замын хө­дөл­­ гөөнд оролцсон тохиолдолд тээв­рийн хэ­рэгслийг хурааж, эцэг, эхэд нь хариуц­лага тооцох хуу­лийн зо­хи­цуу­лалттайг Тээврийн цаг­даа­гийн ал­баны­хан са­нуулав. Мөн хүүх­дийн тоглоомын тал­бай, цэцэр­лэгт хү­рээ­лэн, сургууль, цэ­цэр­лэ­гийн бү­сэд скүү­тер, сурронтой зор­чихгүй бай­хыг ан­хаарууллаа. Ташрамд, сур­ро­ныг жо­лооны А ан­гилалтай, 18 на­санд хүр­сэн хүн унах бо­ломж­той. Ха­рин скүүтерийг зөвхөн 16 на­санд хүр­­ сэн хүн цагт 20 хүртэл км хурд­тай унаж бо­лох нь. Ин­гэхдээ сундлах (ур­даа хүү­­ хэд зогсоох), гар утас, сог­туу­руу­лах ундаа хэ­рэг­лэ­хийг хориг­лох юм.

Ч.Цэлмэг