Афганчууд жагсаж, эрх баригчдаа шүүмжиллээ

Лалын алан хядагчид хазар үн­дэс­тэн долоон хүнийг хөнөөснийг эсэр­гүүцэж Афганистаны нийслэл Ка­бул хотод лхагва гаригт бол­сон жагсаалд оролцогчид эрх ба­ригч­даа шийдвэртэй тэмцэл хийх­гүй гар хумхиад сууна хэмээн шүүм­жил­сэн байна. Кабул хотын баруун дүүрэгт ихэвчлэн хазарчууд оршин суудаг аж.  Жагсаал ч тэнд болж. Ерөнхийлөгчийн өргөө рүү чиг­лэ­сэн жагсагчид “Талибууд гэмт хэрэг хийгээд байхад Засгийн газар тэднийг дэмжиж байна” гэсэн би­чигтэй самбар барьсан байжээ.Барьцаалагдаад байсан долоон ха­заарын гурав нь эмэгтэй, хоёр нь хүүхэд байсан бөгөөд “Исламын улс”-ыг дэмжигч дайчид хийгээд та­ли­буудын хооронд болсон мөр­гөл­дөөний үеэр алагдсан аж. Эндхийн эрх баригчид үүнд “Исламын улс”-ыг буруутгаж байв. “Талибан”, “Аль-Кай­да”-гийн алан хядагчдын гарт олон мянган хазара хүн амиа алдаад байгаа юм.