“Исламын улс”-ын эсрэг Хиллари дайн зарлахгүй

АНУ-ын Ерөнхийлөгчийн сонгуулийн өмнөх сун­гаанд тэргүүлж яваа, АН-аас нэр дэвших ма­гад­лал­тай Хиллари Клинтон дайн зарлах нь “Исламын улс”-ын эсрэг тэмцэх шилдэг арга биш гэж үзэж бай­на. Тэрбээр Ерөнхийлөгчөөр сонгогдлоо гэхэд энэ алан хядах бүлэглэлд албан ёсоор дайн зар­лахад бэ­лэн бус байгаа аж. Нью-Гэмпшир муж ул­сад мягмар гаригт дэмжигчидтэйгээ уулзахдаа ийн хэл­жээ. Түү­ний­­хээр бол ийм шийдвэртэй алхам хий­хийн тулд бай­гаа боломжоо, тавьж буй зо­рил­гоо сайн ойлгох шаард­лагатай аж. Бас төсөв хө­рөн­гө ч шаар­даг­да­на гэж Хил­лари хэлжээ. Мөн ийм бүлэг­лэ­лүү­дийн бо­ди­той­гоор учруулах аюулыг ойлгох хэрэг­тэй гэж тэрбээр үзэж буй юм байна.“Исламын улс”-ын дайчдын тоо энэ оны дунд үед 80 мянга орчим болсноос 50 мянга нь Сирид, 30 мянга нь Иракт байгаа. Энэ нь зарим улсын армитай тэнцэх тоо аж. Эдний 30 мянга нь  гадаадын хүн, олонх нь Ойрхи Дорнод, Умард Африкийн орнуудаас ирсэн аж.