Польшийн сайд шинэ санаа дэвшүүлэв

Өчигдөр албан ёсоор ажилдаа орсон Польшийн Гадаад хэргийн шинэ сайд Витольд Ващиковский  теле­визийн сурвалжлагчийн асуултад хариу­лахдаа Европын орнууд хөлд нь дарагдаад байгаа Сирийн дүрвэгчдийг сургаж бэлтгээд арми байгуулж эх орноо чөлөөлөхөд нь оролцуулбал яасан юм бэ гэж мэдэгдсэн байна. Парист аллага үйлдсэний улмаас дүр­вэгс­дийг хүлээж авах улс төрийн бо­ломж олж харахгүй байна гэж Польш улс үзэж буй аж. Дүрвэгсдийг Ев­ропын холбооны орнуудад тараан байрлуулах хөтөлбөрийн хү­рээнд хоёр жилийн хугацаанд 7000 хүн хүлээж авахаа тус улс уг нь зөв­шөө­рөөд байжээ. Дүрвэгсдийн эхний хэ­сэг дараа оны эхээр Польшид ирэх ёс­той байв.Дүрвэгчдээр арми байгуулсан то­хиол­­долд тэд эх орноо чөлөөлөхөөр явж таарна гэж сайд Ващиковский он­цолсон байна. Резинэн завинаас бууж ирж буй залуус хоол, байр гуйхын оронд “гар утас хаана цэнэглэж болох вэ” хэмээн асууж байна гэж “Ройтерс” агентлаг уламжилжээ.