Манилад аюулгүй байдлын “улаан” түвшин зарлажээ

Ази, Номхон далайн эдийн зас­гийн хамтын ажиллагааны дээд хэм­­жээ­ний уулзалт Филиппиний нийс­лэл Манила хотод маргааш эхэл­нэ. Уг арга хэмжээ болох дүүрэг, зочид, төлөөлөгчид, сэтгүүлчид байр­лах газруудыг хууль сахиулах бай­гууллагын ажилтнууд болон зэвсэгт хүчний албан хаагчид хам­гаа­лалтад аваад байна. Манила хо­тын оршин суугчдыг энэ өдрүүдэд хөдөө нутагт буй ах дүү, төрөл са­дан дээрээ очихыг эрх баригчид зөв­лөж, дунд сургуулиудыг долоо хоног хааж, 18-19-ний өдрийг ажлын бус болгожээ. Парист алан хядах ажил­лагаа үйлдсэний дараа аюулгүй байд­лыг хангах нэмэлт арга хэмжээ авчээ. Уулзалтын үеэр алан хядах ажил­лагаа үйлдэж болзошгүй гэх ямар нэг мэдээлэл аваагүй ч бэлэн байд­лын “улаан” түвшин зарласан байна. Аюулгүй байдлыг хангахад цэр­гийн алба хаагч, цагдаагийн бай­гууллагуудын ажилтан, түймэр унт­раах баг болон бусад шуурхай албанд 20 гаруй мянган хүн дайчилсан аж. Өчигдрийн байдлаар АНУ-ын Ерөн­хийлөгч Барак Обама, БНХАУ-ын дарга Си Зиньпин, БНСУ-ын Ерөн­хий­лөгч Пак Гын Хе нар Филиппинд хүрэлцэн очоод байна.