Японд их хэмжээний цас орсны улмаас 35 хүн амиа алдав
Японы Гал түймэр, гамшгийн менежментийн агентлагаас мэдээлснээр сүүлийн 14 хоногт үргэлжлэн орсон их хэмжээний цас, цаг агаарын аюулт нөхцөл байдлын улмаас 35 хүн амиа алдаж, 390 гаруй оршин суугч гэмтэж бэртжээ. Хүний амь эрсэдсэн тохиолдлууд нь голчлон Японы тэнгисийн эрэг дагуух болон хойд бүсийн мужуудад бүртгэгдсэн бөгөөд өчигдрийн байдлаар Нийгатад 12, Акитад зургаа, Хоккайдод гурав, Аоморид хоёр хүн нас барсан гэнэ. Харин Ивате, Ямагата, Нагано, Шимане муж тус бүр нэг иргэн амиа алдсан байна. Үлдсэн найман хүн нь бусад хойд болон баруун Японы мужуудад нас барсан гэж албаныхан мэдээлэв.
2026-02-05
Байгаль орчны аудитын тусгай зөвшөөрлийг цахимаар олгодог боллоо
Байгаль орчны аудитын тусгай зөвшөөрөл олгох, сунгах үйл явцыг бүрэн цахимжуулснаа Байгаль орчин, уур амьсгалын өөрчлөлтийн яамнаас мэдээлэв. Тодруулбал, аж ахуйн нэгжүүд зөвшөөрлийн цахим систем болох license.mn-д шаардлага хангасан материалаа бүрдүүлж, байршуулсан тохиолдолд 10 минутын дотор зөвшөөрөл гарах боломжтой болсон аж
2026-02-05
“Мандал даатгал” компани 8.7 тэрбум гаруй төгрөгийн ногдол ашиг олгоно
МХБ-ийн I ангилалд бүртгэлтэй “Мандал даатгал” компани 2025 оны цэвэр ашгаас ногдол ашиг хуваарилах шийдвэр гаргаснаа мэдээлсэн. Тодруулбал, нэгж хувьцаанд 14 төгрөг буюу нийт дүнгээр 8.74 тэрбум төгрөгийн ногдол ашиг олгохоор болсон нь IPO гаргаснаас хойших хамгийн өндөр дүн боллоо.
2026-02-05
Халиа тошин үүссэн долоон байршилд арга хэмжээ авчээ
Нийслэлийн дөрвөн дүүргийн долоон байршилд халиа тошин үүссэн байна. Тодруулбал, байнгын ундаргатай булгаас хөрсний ус ихээр гарч, халиа тошин үүссэн тулГеодези, усны барилга, байгууламжийн газраас шаардлагатай арга хэмжээг авч ажиллаж байгаа аж. Нийслэлийн дөрвөн дүүрэгт 2025 оны арванхоёрдугаар сарын 10-ны өдрөөс эхлэн халиа тошин үүссэн байршлуудад 17 механизм, 51 ажилтан албан хаагч ажиллаж, механизмаар болон гар ажиллагаагаар суваг татах, гүүрэн гарцын гаргалгаа хоолойг нээж усыг чөлөөтэй урсгах, илүүдэл мөс тээвэрлэх, шороон хаалт хийх зэрэг ажлыг тус тус хийж гүйцэтгэн арга хэмжээ авч ажиллаж байна.
2026-02-05
Тавантолгой-Гашуунсухайт чиглэлийн хүнд даацын авто замыг есдүгээр сард ашиглалтад оруулна
Тавантолгой-Гашуунсухайт чиглэлийн 250 км хүнд даацын хатуу хучилттай авто зам төслийн бүтээн байгуулалтын ажлыг эрчимжүүлж, концессын гэрээний хугацааг өөрчлөлгүйгээр ирэх есдүгээр сард багтаан ашиглалтад оруулах үүргийг Засгийн газрын хуралдаанаас холбогдох албан тушаалтнуудад өгсөн байна. “Тал нутгийн хөгжлийн зам” ХХК концессэзэмшиж буй бөгөөдтэд төслийн ажлыг гэрээнийхээ хугацаанд дуусгахгүй бол үүнийг нь цуцална гэдгийг анхааруулжээ.
2026-02-05
Манай улсын эдийн засгийн тогтвортой байдал мөсөн голуудаас шалтгаалах нь
Монгол Улсын эдийн засгийн тогтвортой байдал уул уурхайн салбарын хөгжил, нүүрсний экспортоос илүүтэй асар хурдацтай хайлж буй мөсөн голуудаас хамаарахыг НҮБ-ын Ази, Номхон далайн Эдийн засаг, нийгмийн комисс (ESCAP) сануулав. Учир нь манай орны гадаргын агаарын дундаж температур аж үйлдвэржилтийн өмнөх үеийн суурь түвшнээс 2.3 хэмээр өссөн нь дэлхийн дунджаас даруй 1.3 градусаар өндөр үзүүлэлт болохыг Дэлхийн банкны удаах судалгаа харуулж байна.
2026-02-05
Монголчууд оюуны чадвараар дэлхийд наймдугаарт эрэмбэлэгджээ
“International IQ” цахим хуудаснаас гаргасан дэлхийн улс орнуудын оюуны чадварын түвшнийг харьцуулсан жагсаалтад манай улс наймдугаар байрт эрэмбэлэгдсэн байна. Тус жагсаалтыг 2025 онд явуулсан оюуны чадварын сорилын дүнд үндэслэн гаргасан бөгөөд нийт 137 орны иргэдийг хамруулжээ.
2026-02-05
Хичээлээ тараад явж байсан сурагчдыг тээврийн хэрэгслээр мөргөжээ
Цагдаагийн байгууллагад өчигдөр (2026.02.03) “Хичээлээ тараад явж байсан сурагчдыг тээврийн хэрэгслээр мөргөсөн байна” гэх дуудлага иржээ. Мэдээллийн дагуу жижүүрийн шуурхай бүрэлдэхүүний алба хаагчид ослын газар очиход Баянзүрх дүүргийн 37 дугаар хорооны нутаг дэвсгэр “Чулуун овоо”-ны ойролцоо төв зам дээр наймдугаар ангийн хоёр сурагчийг гарцаар гарч байх үед нь жолооч Г нь тээврийн хэрэгслээрээ мөргөсөн нөхцөлтэй байжээ. Шалгалтын ажиллагааг үргэлжлүүлж байна.
2026-02-04
Бараа шалгалгүй хил нэвтрүүлсэн гаалийн байцаагчийн зорчих эрхийг хасжээ
Улаанбаатар хотын гаалийн газрын гаалийн улсын байцаагчаар ажиллаж байсан М.Батсаруулдхолбогдоххэргийгнийслэлийн Эрүүгийн хэргийн давж заалдах шатны шүүх өчигдөр прокурорын эсэргүүцлийг үндэслэн хянан хэлэлцлээ. Тэрбээр БНСУ-аас ирсэн чингэлэгт 2024 оны гуравдугаар сарын 26- нд хяналт шалгалт хийлгүйгээр гаалийн байгууллага үйл ажиллагаандаа ашигладаг CAIS системд Улаанбаатар хот дахь гаалийн газрын улсын ахлах байцаагч Н.Нямдаваагийн цахим эрхээр нэвтэрч зөвшөөрөл олгосон аж.
2026-02-04
Улаанбаатар хотын 19 уулзвараас цагдаагийн биет зохицуулалтыг хасжээ
Замын хөдөлгөөний удирдлагын төвөөс Улаанбаатар хотын 176 уулзвар, гарцад 2600 гаруй ухаалаг камер суурилуулж, нэгдсэн системд холбож, замын хөдөлгөөний ачааллыг бууруулан ажиллаж байна гэж мэдэгдлээ. Тодруулбал, Ухаалаг камерын системээр Улаанбаатар хотын хөдөлгөөн зохицуулах гэрлэн дохио болон бусад тоног төхөөрөмжийг бүрэн сүлжээнд холбосон байна. Үүний үр дүнд өмнө нь цагдаагийн алба хаагч уулзвар зохицуулахад хоногт 16 цаг ажилладаг байсан бол ухаалаг камерын систем нэвтэрснээр 10 цаг ажиллаж, ачааллыг тэнцвэржүүлсэн гэжээ.
2026-02-04
Монгол, Японы мэргэжилтнүүд гэр бүл, хүүхдийн хэргийн дагнасан шүүхийн талаар санал солилцлоо
Хууль зүйн үндэсний хүрээлэн болон Японы Хууль зүйн яамны харьяа Сургалт, судалгааны хүрээлэнгийнхэн хамтран “Гэр бүл, хүүхдийн хэргийн дагнасан шүүх: Монгол Улс ба Япон Улс” сэдэвт семинарыг өчигдөр зохион байгууллаа. Салбарын мэргэжилтнүүд энэ үеэр хоёр орны гэр бүлийн шүүхийн бүтэц, үйл ажиллагааны онцлог болон хэрэг хянан шийдвэрлэх эрх зүйн зохицуулалтын талаар харилцан санал солилцсон юм.
2026-02-04
Төсвийн тогтвортой байдлын зөвлөлийг Ж.Дэлгэрсайхан удирдана
Төсвийн тогтвортой байдлын зөвлөлийн хурал уржигдар болж, даргаараа Ж.Дэлгэрсайханыг сонгосон байна. Тэрбээр ХААИС-ийг эдийн засагч мэргэжлээр төгсөж, 1996 оноос СЭЗИС-ийн багшаар 30 дахь жилдээ ажиллаж буй, дэд профессор хүн юм
2026-02-04
“Засагтхан-2026” тэмээчдийн зөвлөгөөн, бага наадмын үеэр хүн тэмээнээс унаж, нас баржээ
Үүнээс гадна өнгөрсөн амралтын өдрүүдэд золгүйгээр нэг бус хүн нас баржээ. Тухайлбал, Хөвсгөл аймгийн Алаг-Эрдэнэ сумын Хатгал тосгоны нутаг, Харган гэх газарт 50 настай иргэн түлээний мод бэлтгэж байгаад даруулж амиа алдсан гэнэ. Түүнчлэн Орхон аймгийн Жаргалант сумд амьдардаг айлын нэг настай хүүхэд зуух руу унаж түлэгдэн, ГССҮТ-ийн харьяа Түлэнхийн төвийн Эрчимт эмчилгээний тасагт эмчлүүлж байгаад нас барсан харамсалтай явдал болсон байна.
2026-02-03
