“Чингис хаан” олон улсын нисэх буудлыг өргөтгөх төсөлд гарын үсэг зурлаа 

Ерөнхий сайд Н.Учрал Япон Улсын Ерөн­­хий сайд Такаичи Санаэтай есдүгээр са­­рын 29-нд Токио хотноо албан ёсны хэлэл­­цээ хийж, хоёр улсын харилцаа, хам­тын ажиллагааны өнөөгийн байдал, цааш­дын зорилт, үйл ажиллагааны талаар дэл­­гэрэнгүй санал солилцов. Талууд хоёр ул­сын харилцаа эдү­гээ “хүн төвтэй” “Энх тай­ван, хөгжил цэ­цэглэлтийнтөлөөх Тус­гайст­ратегийн түнш­лэл”-ийн түв­шиндгүнз­­гий­рэн хөгжиж буйг сайшаан тэм­дэг­лэжээ. 

Мөн Монгол Улсын Засгийн газрын дэв­шүүлж буй “Ногоон чөлөөлөлт”, Япон Ул­­сын Засгийн газраас дэвшүүлж буй “POWERR Asia” санаачилгын хүрээнд уур амьс­галын өөрчлөлт, карбон кредит, сэргээгдэх эрчим хүч болон газрын тос­ны агуулах сав барих зэрэг чиглэлд хамтран ажиллах хүсэлтэй байгаагаа та­лууд тэм­дэг­лэлээ. Японы Засгийн газ­рыншинэ­чилсэн “Чө­лөөт, нээлттэй, Энэт­хэг, Ном­хон далай”-н санаачилгын хү­рээнд хамт­ран ажил­лахболомжийн талаар мөн санал солилц­­жээ. Энэ үеэр Мон­голоос Япон руу чиглэсэн экспортын бараа, бүтээг­дэхүүнийг нэмэг­дүүлэхшаард­лагатай байгааг тэм­дэглэв. Монгол Улсад Японы Гадаад худал­даагдэмжих бай­гууллага (ЖЕТРО)-ын Тө­лөө­лөгчийнгазрыг нээхэд бэлэн бай­гаагаа Японы тал илэрхийллээ. 

Айлчлалын дараах өдөр “Чингис хаан олон улсын нисэх буудлын өргөтгөлийн төсөл”-ийн хөгжлийн санхүүжилтийн гэрээнд Монгол Улсын СангийнсайдЗ.Мэнд­сайхан, Японы Олон улсын хамтын ажил­лагааны байгууллагын (ЖАЙКА) ерөн­хийлөгчТана­ка Акихико нар гарын үсэг зур­санбайна. Тус төслийг ЖАЙКА-гийн “Эдийн засгийн түнш­­лэлийн тусгай нөхцөл” (STEP)-ийн 158.3 тэрбум иенийн хөгжлийн сан­хүү­жилтээр хэрэгжүүлэхээр төлөвлөсөн юм. Эл сан­хүүжилт нь 40 жилийн хугацаатай, жилийн 1.1 хувийн тогтмол хүүтэй аж. Дээрх нисэх буудлыг Япон Улсын Засгийн газрын нэн хөнгөлөлттэй зээлээр санхүүжүүлж, 2021 онд ашиглалтад оруулсан. Гэвч сүүлийн жилүүдэд нисэх буудлын зорчигч тээв­рийн урсгал анх тооцоолсон хү­чин чадлаас давж, цаашид тогтмол өсөх хандлагатай байгаа тул өргөтгөх шаард­лага­тай болжээ. Зорчигч болон ачаа тер­­миналын барилга, холбогдох дэд бү­т­­цийнбай­гууламж, дулааны станц, авто зог­соолыг өр­гөт­гөснөөр 5.2 сая хүн хүлээн авах боломж­той болох нь. 

Япон Улсын Засгийн газраас 1977-2025 онд Монгол Улсад зээл, буцалтгүй тусламж, тех­ни­кийн хамтын ажиллагааны хүрээнд нийт 3.3 тэрбум ам.долларын дэмжлэг үзүүл­жээ.

С.Уул