Амьдрах орчин ирээдүйн итгэл үнэмшил , бүтээмжид нөлөөлдөг 

Чанаргүй, стандартын шаардлага хангаагүй сууц болон амьдрах орчинд өссөн хүүхэд ирээдүйд эрүүл мэндээр хохи­рох, хөдөлмөрийн чадвараа алдах эрсдэл 25 хувиар өн­дөр байдгийг Британийн судлаачид тогтоожээ. Тод­­руулбал, ядуурал, нийгмийн хамгааллын шинжээч Лиза Хар­кер тэргүүтэй судлаачид хүүхдийн амьдрах орч­нычиг­­лэлээрх эрдэм шинжилгээний 100 гаруй бүтээлийг нэгт­­­гэсэн анхны томоохон цогц судалгааг тус улсын буя­ныбай­­г­ууллагуудтай хамтран хийхэд ийм үр дүн гарсан бай­на. 

Хүүхдийн амьдрах орчин аюулгүй, тогтвортой, стандартын шаардлага хангасан байх нь бие махбодын болон сэтгэцийн эрүүл мэнд, зан төрхөөс гадна суралцах хүсэл эрмэлзэл, ирээдүйн итгэл үнэмшил, хөдөлмөр эрхлэх чадварт хүртэл нөлөөлдөг ажээ. Тухайлбал, хэт олуулаа, давчуу сууцад амьдарч байсан хүүхэд тархи, нугасны бүрхүүлийн үрэвсэл буюу менингитээр өвчлөх эрсдэл 10 дахин өндөр байдгийг тогтоосон. Түүнчлэн хэт чимээ шуугиантай, өөрийн гэсэн орон зайгүй, гаднын эрсдэлд өртөх аюул өндөр орчинд амьдардаг хүүхдүүдийн анхаарал төвлөрөх чадвар, өөртөө итгэх итгэл 2-3 дахин сул, сэтгэл түгших, гутрах өвчинд өртөх магадлал гурав да­хиних байдаг гэнэ. 

Орчноос шалтгаалан амжилттай суралцах боломжоо алдсан хүүхдүүдийн өндөр боловсрол эзэмших, тогтвортой, цалин, урамшуулал сайтай ажилд зуучлагдах боломж ч хязгаарлагдаж, хөдөлмөрийн чадвараа алдах, ядууралд өртөх эрсдэлийг нэмэгдүүлдэг аж. Эл судалгааны үр дүнгээс үүдэн хүүхдэд ээлтэй хот төлөвлөлт, эрүүл, аюулгүй орч­ны асуудлыг олон улсад нухацтайгаар хэлэлцэж байна.

Н.Мишээл