Бууж өгөхөөс татгалзсан зэвсэглэсэн бүлэг хүнийг хууль сахиулагчид гал нээж байж аюулгүй болгож авсан байна. Уг үйл явдал өчигдөр Оросын Дагестаны уулархаг нутагт болжээ. Тэд нь “Исламын улс”-д зүтгэхээ тангарагласан, орон нутгийн дээрэмчдийн бүлгийн толгойлогч, улсын хэмжээнд эрэн хайж байсан, нууц байдалд байдаг, лалын дайчдын талд Сирид тулалдаж яваад эргэж ирсэн Махмуд Махмудов, Роберт Меликов, Гасан Мамедяров нар байжээ. Энэ этгээдүүдийг биенесмэнүүдийг айлгаж сүрдүүлж их хэмжээний мөнгө авах, хууль хяналтын байгууллагын ажилтнууд хийгээд иргэдийн амь насыг бүрэлгэх зэрэг хэрэг цөөнгүй үйлдсэн аж. Тэдэнтэй буудалцсан газраас галт зэвсэг, сум хэрэгсэл, гар хийцийн дэлбэрэх бөмбөг, төхөөрөмж, эм тариа, хүнсний зүйл олдсон байна. Дагестанд “Табасаранын”, “Сулейман-Стальскийн” гэх мэт дээрмийн бүлэг цөөнгүй байдаг аж.
Өчигдрөөс илүү маргаашийг
бүтээхийн төлөө
