40-өөд улс иргэддээ 3-10 хоногийн хүнс, ус нөөцлөхийг зөвлөсөн байна
Иргэддээ 3-10 хоногийн хүнс, ус нөөцлөхийг зөвлөсөн улсын тоо өдгөө 40-д хүрээд байна. Тодруулбал, эдгээр орны Засгийн газрууд иргэддээ онцгой нөхцөл байдал үүссэн үед хэрэглэх удаан хадгалдаг хүнс, ундны ус, эм болон анхны тусламжийн хэрэгсэл, гар чийдэн, зайгаар ажилладаг радио, нөөц цэнэглэгч, бусад зайлшгүй шаардлагатай зүйлсийг гэртээ нөөцлөх зөвлөмж өгчээ. Үүнийгээ олон улсын геополитикийн хурцадмал байдал, байгалийн гамшиг, кибер халдлага болон дэд бүтцийн доголдлоос үүдэх эрсдэл нэмэгдэж байгаатай холбон тайлбарлажээ.
2026-11-03
Шатахууны “шаг” гаарч, барааны үнэ тэнгэрт хадав
Манай улс нефтийн бүтээгдэхүүнээ 100 хувь импортоор авдаг. Өөрсдөө үйлдвэрлэж чаддаггүй барааны үнэ ханш, нийлүүлэлтийг зохицуулж хүч хүрдэггүй нь үнэн. Тиймээс ч бензин түлшний үнэ тасралтгүй өсөж, өдгөө нийлүүлэлт ч хомсдон, дараалал үүссээр даруй 2-3 сар болов. Түүнчлэн уржигдраас шатахуун түгээх зарим станц Евро-92-ыг литрийг нь 5600 төгрөгөөр борлуулж, энгийн нь дууссан гэх болжээ. Дараалал ихтэй ч олгосоор байсан хамгийн хямд бензин АИ-92 дуусаж, тэрнээс 1500 гаруй төгрөгөөр ахиу үнэтэйг нь санал болгож буй хэрэг.
2026-11-03
Алтны ханш 7.23 хувиар буурч, 3875 ам.долларт хүрэв
Олон улсын зах зээлд алтны ханш тасралтгүй буурсаар сүүлийн нэг жилийн хугацаанд түүхэн доод түвшиндээ хүрээд байна. Өдгөө олон улсад унц алтны ханш 3875-4010 ам.доллар байгаа нь сүүлийн нэг сард 7.23, энэ оны эхэн үеийнхээс даруй 26.9 хувиар буурсан үзүүлэлт гэнэ.
2026-11-03
Агаарын бохирдлыг 2030 он гэхэд 55 хувиар бууруулах зорилт дэвшүүлжээ
“Агаар, орчны бохирдлыг бууруулах үндэсний хөтөлбөр” ийн хугацаа дууссантай холбогдуулан УИХын 53 дугаар тогтоолоор агаарын бохирдлын эх үүсвэр бүрд жигд анхаарч, салбар хоорондын оролцоог хангасан урт, дунд, богино хугацааны цогц төлөвлөгөө боловсруулан хэрэгжүүлэхийг Засгийн газарт чиглэл болгосон билээ. Үүний хүрээнд “Агаарын бохирдлыг бууруулах 20262030 оны төлөвлөгөөний төсөл”ийг боловсруулж, өчигдөр олон нийтээр нээлттэй хэлэлцүүллээ.
2026-11-03
Сурагчид шинжлэх ухааны 240 орчим туршилт бодитоор хийх нь
Боловсролын яамнаас ерөнхий боловсролын сургуулийн 6-12 дугаар ангийн сурагчдад шинжлэх ухааны мэдлэгийг зөвхөн онолын түвшинд эзэмшүүлэх бус, туршилт, судалгааг бие даан болон багаар гүйцэтгэх боломж бүрдүүлэх зорилгоор “GERLAB engineering workshop”- ынхонтой хамтран ажиллахаар болсноо мэдээллээ. Ингэснээр шинжлэх ухааны 240 орчим туршилт, судалгааны контентын сан бүрдүүлж, гарын авлага боловсруулан, төрөлжсөн ахлах сургуулиудад тараах аж. Эхний ээлжид төрөлжсөн 35 ахлах сургуулийн сургалтын үйл ажиллагаанд уг контентын санг нэвтрүүлэх зорилт тавьжээ.
2026-11-02
Пикорнавирус хүнийг бус, бактери ангуучилдгийг 40 жилийн дараа тайлав
Хүн, амьтны гэдэсний халдварын гол үүсгэгч хэмээн сүүлийн 40 жилийн турш “цоллуулсан” пикорнавирус үнэндээ бидний махбодын эсийг биш, бактери онилдог болохыг тогтоосон талаар “Nature microbiology” сэтгүүлд мэдээлжээ. 1988 онд цочмог суулгалттай өвчтөнүүдийн өтгөний дээжээс илрүүлж, эмгэг төрүүлэгч гэж таамаглаж байсан нь эндүүрэл болохыг АНУ-ын Сент-Луис дахь Вашингтоны их сургуулийн анагаахын сургуулийн эрдэмтэд тогтоов.
2026-11-02
Үсээ хандивлаж, хүүхдүүдэд итгэл найдвар бэлэглээрэй
Хүмүүс олон жил ургуулсан үсээ тайруулахдаа ихэвчлэн хаядаг. Харин зарим нь хорт хавдрын улмаас үсгүй болсон хүүхдүүдэд хиймэл үс хийж өгөхөөр хандивладаг байна. Үс хандивлах сайн дурын энэ хөдөлгөөн Япон, БНСУ-д түгээмэл дэлгэрсэн аж. Ингэхдээ хүнд өвчтэй бяцхан хүүхдүүдэд хиймэл үс үнэ төлбөргүй хийж өгдөг гэнэ.
2026-11-02
Монгол, Бельгийн эрдэмтэд түүх, соёлын өвийг хамтран судална
Монголын түүх, соёлтой холбоотой архивын баримт, эх сурвалжийг судлах чиглэлээр ШУА-ийн Түүх, угсаатны зүйн хүрээлэн Бельги улсын Католик их сургуулийн харьяа Шашин, соёл, нийгмийн баримтжуулалт, судалгааны төв (KADOC)-ийнхөнтэй хамтран ажиллахаар болжээ. Үүний хүрээнд “Чингис хаан” үндэсний музей, ШУА-ийн Түүх, угсаатны зүйн хүрээлэнгийн захирал, академич С.Чулуун тэргүүтэй төлөөлөгчид Бельгийн Лёвен хотод ажиллаж, KADOC төвийн захирал, профессор Йорис Колла болон Гүйцэтгэх зөвлөлийн дарга, профессор Барт Раймакерс нартай уулзсан байна.
2026-11-02
Нүүрс худалдан авах сонирхолтой байгаагаа илэрхийллээ
Улсын Их Хурлын гишүүн, Улсын Их Хурал дахь Монгол-Энэтхэгийн парламентын бүлгийн дарга Ж.Чинбүрэн өнөөдөр /2026.11.02/ Бүгд Найрамдах Энэтхэг Улсаас Монгол Улсад суугаа Онц бөгөөд Бүрэн эрхт Элчин сайд Атул Малхари Готсурвег хүлээн авч уулзлаа.
2026-11-02
“Aurum foundation” платформоор дамжуулан санхүүгийн луйвар хийж болзошгүй”
Санхүүгийн зохицуулах хорооноос “Aurum foundation” нэртэй платформоор дамжуулан хөрөнгө оруулалт татаж байгаа нь санхүүгийн луйврын шинжтэй үйлдэл байх магадлалтайг мэдээллээ. Тодруулбал, иргэд, залуусыг хиймэл оюунд суурилсан aurum.foundation гэсэн платформоор виртуал хөрөнгийн арилжаа хийн, хөрөнгө оруулж сард 10-17.5 хувийн өгөөж хүртэхийг санал болгож байгаа аж.
2026-11-02
Ирэх оны төсвийн төслийг дараагийн хэлэлцүүлэгт шилжүүлжээ
УИХ-ын чуулганы өнгөрсөн баасан гаргийн ээлжит хуралдаанаар Монгол Улсын 2027 оны төсвийн тухай хуулийн төслийг гурав дахиа хэлэлцэж, дараагийн шатанд шилжүүлэв. Тодруулбал, Төсвийн байнгын хороо өмнөх хуралдаанаар УИХ-ын гишүүдийн дэмжсэн саналуудад үндэслэн төсөлд өөрчлөлт оруулах, урсгал болон хөрөнгийн зардал хооронд зохицуулалт хийх, хөрөнгө оруулалтын төсөл, арга хэмжээний нэр өөрчлөх, зарлагын хэмжээг нэмэгдүүлэхгүйгээр хөрөнгийн зардлыг тохируулах, төсөл, арга хэмжээний санхүүжилтийг урсгал зардалд шилжүүлэх зэрэг 10 багц санал боловсруулсан байна.
2026-11-02
НҮБ-ын Хүнс, хөдөө аж ахуйн байгууллагын төлөөлөгчийн газрыг Монголд нээнэ
Засгийн газар, НҮБ-ын Хүнс, хөдөө аж ахуйн байгууллага (ХХААБ) хооронд тус байгууллагын төлөөлөгчийн газрыг Монголд байгуулах тухай хэлэлцээрт гарын үсэг зуржээ. Уг хэлэлцээрийг ХХААХҮЯ-ны төлөөлөл болон дээрх байгууллагын удирдлага Ром хотноо болсон “Дэлхийн хүнсний форум”-ын үеэр баталгаажуулжээ.
2026-11-02
Ц.Үлэмжин АНУ-ын Агаарын цэргийн хүчний шилдэг төгсөгч болов
Манай улсын иргэн Ц.Үлэмжин АНУ-ын Агаарын цэргийн хүчний анхан шатны бэлтгэлийг амжилттай дүүргэж, шилдэг төгсөгчөөр шалгарлаа. Тэрбээр сургалтын хугацаанд сахилга бат, бие бялдар, мэргэжлийн ур чадвараараа бусдыгаа манлайлсан бөгөөд ёслолын жагсаалд салааныхаа тугийг агсан, тэргүүн эгнээнд алхах хүндтэй үүрэг хүлээжээ.
2026-11-02