“Pluma” мэдээллийн цогц систем нээлтээ хийлээ
Чөлөөт сэтгүүлчид болон редакцууд хараат бус байдлаар олон нийтийн мэдээлэл авах хэрэгцээнд тулгуурлан мэдээ, нийтлэл бэлтгэн нийлүүлж, түүнээсээ орлого хуримтлуулах боломжтой шинэ платформыг өчигдөр олон нийтэд танилцууллаа. Өөрөөр хэлбэл, сэтгүүлч аль нэг редакцад харьяалагддагаас үл хамааран, “Pluma” мэдээллийн системд өөрийн бүтээлээ чөлөөтэй нийтлэх, түүнээсээ орлогожих боломж олгохоороо онцлог аж.
2025-06-27
Эрүү шүүлттэй тэмцэх эрх зүйн орчныг хэлэлцлээ
Эрүү шүүлтийн хохирогчдод дэмжлэг үзүүлэх олон улсын өдөр өчигдөр тохиолоо. Үүнтэй холбогдуулан Эрүү шүүлтээс урьдчилан сэргийлэх үндэсний ажиллагаанаас “Эрүү шүүлт тулгах гэмт хэргийн хохирогчдын хохирол нөхөн төлүүлэлт, эрх зүйн зохицуулалт, тулгамдаж буй асуудал, шийдвэрлэх арга зам” сэдэвт олон улсын эрдэм шинжилгээний бага хурал зохион байгууллаа.
2025-06-27
“Орчин үеийн Оросын автомашин” шоу маргааш эхэлнэ
Уг үйл ажиллагаа нь бизнесийн болон соёлын хоёр хэсэгтэй. Нийслэлийн иргэд, зочид энэ өдрүүдэд анх удаа Монголд орчин үеийн, хатуу ширүүн нөхцөлд ажиллахад зориулан бүтээгдсэн ОХУ-ын хүчирхэг, найдвартай автомашин, техник хэрэгслүүдтэй танилцахын зэрэгцээ Орос, Монголын уран бүтээлчдийн хамтарсан тоглолт, урлагийн хөтөлбөрийг толилуулах юм.
2025-06-27
Монгол, Казахстаны худалдааны эргэлтийг 500 сая ам.долларт хүргэнэ
Гадаад харилцааны сайд Б.Батцэцэгийн урилгаар Бүгд Найрамдах Казахстан Улсын Шадар сайд бөгөөд Гадаад хэргийн сайд Мурат Нуртлеу энэ сарын 26-27-нд манай улсад албан ёсны айлчлал хийж байна. Уг айлчлалын үеэр хоёр улсын төлөөлөгчид харилцаа, хамтын ажиллагаа, стратегийн түншлэлийг өргөжүүлэх боломжийн талаар санал солилцжээ.
2025-06-27
Сонины борлуулалтын 71 хувийг өдөр тутмын хэвлэл эзэлж байна
Хэвлэлийн хүрээлэнгээс жил бүр эрхлэн гаргадаг “Монголын хэвлэл мэдээлэлөнөөдөр” судалгааны тайлангийн энэ оны эмхэтгэл уншигчдын гарт очиход бэлэн болжээ. Хэвлэл мэдээллийн салбарын 2024 оны чухал тоон үзүүлэлтүүдээс тоймловол, сонины борлуулалтын тоо жил ирэх тусам аажмаар буурсаар 6 779 415 хүрчээ. Энэ нь арван жилийн өмнөхтэй харьцуулахад 62 хувиар, таван жилийн өмнөхтэй харьцуулахад 37 хувиар багассан үзүүлэлт юм байна.
2025-06-27
Монголд эмчлэгдэх боломжгүй хүүхдийн зүрхний мэс заслыг амжилттай хийлээ
Франц улсын Страсбургийн Их Сургуулийн Эмнэлгийн зүрхний мэс заслын баг Улсын гуравдугаар төв эмнэлэг (УГТЭ) болон Эх хүүхдийн эрүүл мэндийн үндэсний төв (ЭХЭМҮТ)-ийн зүрхний мэс заслын эмч нарын хамтарсан багтай ажиллаж нийт 36 өвчтөн (27 хүүхэд, 9 насанд хүрэгч)-д нарийн мэргэжлийн үзлэг, зөвлөгөө өгч, хүнд хэлбэрийн зүрхний гажигтай өвчтөнүүдэд мэс заслын тусламж, үйлчилгээг амжилттай үзүүллээ.
2025-06-27
Оюутны универсиад наадамд оролцох тамирчид бэлтгэлээ эхлүүлжээ
ХБНГУ-ын Берлин хотод дэлхийн оюутны спортын 33 дугаар универсиад наадам ирэх сарын 16-24 хүртэл үргэлжилнэ. Тус наадмын тэмцээний салхийг Монголын багаас волейболын эмэгтэй тамирчид хагалж, БНХАУын шигшээтэй Б хэсэгт эхний тоглолтоо өрнүүлэх юм. Берлин хотыг зорих манай тамирчдаас усан сэлэлтийн багийнхан нийслэлд “Кинг таур кинг спорт комплекс”-т, таеквондочид пүмсэ төрөлд анх удаа оролцохоор БНСУ-ын дасгалжуулагчийг урьсан бол ширээний теннисний багийнхан ахлах дасгалжуулагч Д.Цэрэнтогтох, 3x3 сагсан бөмбөгийн оюутны эрэгтэй, эрэгтэй тоглогчид Гавьяат дасгалжуулагч С.Тулгын удирдлагад “Мон-Алтиус” дээд сургуулийн зааланд бэлтгэлээ базааж эхэлсэн.
2025-06-26
Теле камерын нэгдсэн төвийг нээв
Улаанбаатар хотын 176 уулзвар, гарц, авто замыг бүрэн хамруулсан теле камерын хяналтын нэгдсэн төвийг энэ сарын 23-нд нээлээ. Тус төв нь хиймэл оюун ухаанд суурилсан системээр замын хөдөлгөөний зөрчлийг бодит цагийн горимоор илрүүлж, мэдээллийг нэгдсэн байдлаар төвлөрүүлэн боловсруулах боломжтой юм. Теле хяналтын нэгдсэн болон есөн дүүрэгт байгуулсан дэд төвүүд нь нийслэлийн Засаг даргын харь¬яанд үйл ажиллагаа явуулж, хот даяар нэг цэгээс удирдах боломжтой гэнэ.
2025-06-26
Монгол, Узбекистаны харилцааг иж бүрэн түншлэлд хүргэж ахиуллаа
Узбекистаны Ерөнхийлөгчийн түвшинд манай улсад энэ сарын 24-25-нд анх удаа төрийн айлчлал хийсэн Шавкат Мирзиёевийг Ерөнхийлөгч У.Хүрэлсүх нийслэлийн төв талбайд уржигдар орой угтан авсны дараа хоёр орны удирдагчид харилцаа, хамтын ажиллагааны тунхаглалд гарын үсэг зурлаа.
2025-06-26
Хотхоны бага сургууль байгуулах боломж бүрджээ
Орон сууцны хороолол, хотхонд байрлах бага сургуулийн сургалтын үйл ажиллагаа зохион байгуулахад баримтлах” чиглэл батлагдав. Монгол Улсын Засгийн газрын 2024-2028 оны үйл ажиллагааны хөтөлбөрт заасан бүлэг дүүргэлтийг стандарт түвшинд хүргэх "Нэг ээлж, цөөн хүүхэдтэй анги", "Гэрт ойр сургууль-хамгийн сайн сургууль" арга хэмжээг хэрэгжүүлэхэд энэ чиглэлийг баримтлах юм.
2025-06-26
Ус уух хувь
Саяхан Энэтхэгийн Ахмедабад хотоос Лондон орохоор нисэх хөдөлгөөнөө эхэлмэгц унаж сүйрсэн “Air India” компанийн онгоцоор зорчиж байсан 232 үйлчлүүлэгч, багийн 10 гишүүнээс Британийн иргэн Вишвакумар Рамеш ганцаараа амьд үлдсэн юм. Түүнд 11-ийн А буюу 11 дүгээр эгнээний эхний суудал таарсан байв. “Хамгаалах бүсээ тайлмагц ослын үед гарах хаалгыг хөлөөрөө тийрч нээгээд гадагш гулсан гарсан” гэж 40 настай Рамеш унасныхаа дараа Энэтхэгийн Төрийн мэдлийн DDNews хэвлэлийн сурвалжлагчтай ярилцахдаа хэлсэн байна.
2025-06-26
